Jambyl oblysynda zańsyz altyn óńdeitin jerasty tsehy anyqtaldy, – dep habarlaidy Polisia.kz.
Portal málimetinshe, "Brakoner" jedel-aldyn alý is-sharasy barysynda Moiynqum aýdanynyń politsiia qyzmetkerleri quramynda baǵaly metaldar bar shikizatty, tastardy zańsyz óńdeýmen ainalysatyn jerasty tsehynyń qyzmetin toqtatty.
Jeke turǵyn úidi tekserý kezinde elektrli untaqtaý diirmeni, untaqtalǵan kenniń qaldyqtary, elek, magnit, tasityn arbalar, kúrekter, synapty suiyqtyq, eki úlken qazandyq jáne 10 tonnaǵa jýyq altyn keni tabylǵan.
Qoimada 30 jáne 58 jastaǵy eki jumysshy bolǵan.
Ustalǵandardyń aitýynsha, olar aqyly túrde jumys jasaǵan. Politsiia qyzmetkerleri tsehtyń qojaiyny bolyp tabylatyn 37 jastaǵy jergilikti turǵyndy anyqtap, ustady.
Osy derekke qatysty Qazaqstan Respýblikasy Qylmystyq kodeksiniń 295-1-baby 1-bóligi (Baǵaly metaldar men asyl tastardyń, quramynda baǵaly metaldar bar shikizat taýarlarynyń zańsyz ainalymy) boiynsha sotaldy tergep-tekserý amaldary bastaldy. Qazirgi ýaqytta memleketke keltirilgen zalal kólemi anyqtalyp jatyr. Birqatar saraptama taǵaiyndaldy.
