Jambyl oblysynda qaýipsizdigi barynsha joǵary TJ-158/4 mekemesiniń aýmaǵyna dronmen tyiym salynǵan zattar berilmek boldy. Bul týraly Qylmystyq atqarý júiesi komitetiniń baspasóz qyzmetinen málim etti, dep habarlaidy «Ult aqparat».
Qylmystyq atqarý júiesi departamentiniń qyzmetkerleri «kýrer-drondy» túrmeniń irgeles aýmaǵynda, ákimshilik ǵimarattyń artynda baiqap, ustaǵan. Dronǵa plastikalyq bótelke bailanǵan, ishinen telefondar tabyldy.
«Atalǵan fakti boiynsha Taraz qalasy politsiia basqarmasynyń jedel-tergeý toby shaqyryldy. Aýtopsiia kezinde eki smartfon anyqtaldy. Apparatty iske qosqan adamdy kezekshi nariad tappady. Qyzmettik tekserý taǵaiyndaldy», - dedi QAJD bastyǵynyń mindetin atqarýshy Teńizjan Jánibekov.
Eske sala keteiik, Qylmystyq-atqarý júiesi mekemelerinde ustalatyn adamdarǵa tyiym salynǵan zattar men buiymdardy berý áreketi «Ákimshilik quqyq buzýshylyq týraly» Qazaqstan Respýblikasy kodeksiniń 481-tarmaǵyna sáikes ákimshilik jaýaptylyqqa ákep soǵady.
