Foto: ashyq derekkóz
Bul týraly jýrnalist Mihail Kozachkov Telegram-arnasynda jazdy.
Onyń jazýynsha, sarbaz tikelei basshysynyń eskertýinen keiin baltamen saýsaǵyn shappaq bolǵan.
Aqparatty Qazaqstannyń qurlyq áskeriniń baspasóz qyzmeti rastady. Sarbaz saýsaǵyn jaraqattaǵan.
Oqiǵa 6 qańtarda gvardiialyq garnizon bólimderiniń birinde bolǵan.
«Tańerteńgi tekseris kezinde sarbaz sol qolynyń saýsaqtaryn metall zatpen jaraqattady. Ol dereý aýrýhanaǵa jetkizilip, meditsinalyq kómek kórsetildi. Qazir sarbazdyń jaǵdaiy turaqty, ómiri men densaýlyǵyna eshqandai qaýip joq», — dep jazylǵan habarlamada.
Atalǵan fakti boiynsha qylmystyq is qozǵaldy. Oqiǵanyń mán-jaiyn aimaqtyq áskeri-tergeý basqarmasy anyqtap jatyr.
Habarlamada «jaraqat basshysynyń eskertýinen keiin boldy degen aqparat shyndyqqa janaspaidy» delingen.
