Almatydan Pavlodarǵa baǵyt alǵan FlyArystan áýe kompaniiasynyń FS-7131 reisi ushyp shyqqan áýejaiǵa keri oraldy. Al Pavlodardan Almatyǵa ushýy tiis FS-7132 reisi toqtatyldy, dep habarlaidy ult.kz.
Áýe kompaniiasynyń habarlaýynsha, Pavlodarda aýa raiynyń nasharlaýyna bailanysty ushaqty muz basýǵa qarsy arnaiy suiyqtyqpen óńdeý qajet bolǵan. Alaida áýejaida mundai múmkindik bolmaǵandyqtan, qaýipsizdik maqsatynda ushaqty Almatyǵa qaitarý týraly sheshim qabyldanǵan.
"Ushý barysynda Pavlodarda aýa raiynyń nasharlap, jaýyn-shashyn boljanýyna bailanysty ushaqty arnaiy óńdeýden ótkizý qajettiligi týyndaǵan. Alaida áýejaida mundai múmkindik bolmaǵandyqtan, qaýipsizdik talaptaryn saqtaý maqsatynda áýe kemesin Almatyǵa qaitarý týraly sheshim qabyldanǵan", - dep jazylǵan habarlamada.
FlyArystan jolaýshylarǵa bos oryn bolǵan jaǵdaida biletin eń jaqyn reiske bir ret tegin aýystyrýdy nemese aqshasyn tolyq qaitarýdy usynady. Bul rásimdi kompaniianyń mobildi qosymshasy nemese resmi saity arqyly jasaýǵa bolady.
