الماتىدان پاۆلودارعا باعىت العان FlyArystan ەۋە كومپانيياسىنىڭ FS-7131 رەيسٸ ۇشىپ شىققان ەۋەجايعا كەرٸ ورالدى. ال پاۆلوداردان الماتىعا ۇشۋى تيٸس FS-7132 رەيسٸ توقتاتىلدى, دەپ حابارلايدى ult.kz.
ەۋە كومپانيياسىنىڭ حابارلاۋىنشا, پاۆلوداردا اۋا رايىنىڭ ناشارلاۋىنا بايلانىستى ۇشاقتى مۇز باسۋعا قارسى ارنايى سۇيىقتىقپەن ٶڭدەۋ قاجەت بولعان. الايدا ەۋەجايدا مۇنداي مٷمكٸندٸك بولماعاندىقتان, قاۋٸپسٸزدٸك ماقساتىندا ۇشاقتى الماتىعا قايتارۋ تۋرالى شەشٸم قابىلدانعان.
"ۇشۋ بارىسىندا پاۆلوداردا اۋا رايىنىڭ ناشارلاپ, جاۋىن-شاشىن بولجانۋىنا بايلانىستى ۇشاقتى ارنايى ٶڭدەۋدەن ٶتكٸزۋ قاجەتتٸلٸگٸ تۋىنداعان. الايدا ەۋەجايدا مۇنداي مٷمكٸندٸك بولماعاندىقتان, قاۋٸپسٸزدٸك تالاپتارىن ساقتاۋ ماقساتىندا ەۋە كەمەسٸن الماتىعا قايتارۋ تۋرالى شەشٸم قابىلدانعان", - دەپ جازىلعان حابارلامادا.
FlyArystan جولاۋشىلارعا بوس ورىن بولعان جاعدايدا بيلەتٸن ەڭ جاقىن رەيسكە بٸر رەت تەگٸن اۋىستىرۋدى نەمەسە اقشاسىن تولىق قايتارۋدى ۇسىنادى. بۇل رەسٸمدٸ كومپانييانىڭ موبيلدٸ قوسىمشاسى نەمەسە رەسمي سايتى ارقىلى جاساۋعا بولادى.
