Almatynyń Almaly aýdanynda intimdik qyzmet kórsetilgen degen kúdikpen eki nysan anyqtaldy. Bodi-salon retinde jumys istegen bul oryndar politsiianyń nazaryna ilikken, dep habarlaidy ult.kz.
Qalalyq politsiia departamentiniń málimetinshe, kúmándi nysandardyń biri Chaikovskii kóshesindegi úiden, ekinshisi Tórequlov kóshesindegi kópqabatty úiden anyqtalǵan. Ár mekenjaida eki qyzdan bolǵan.
Politsiiaǵa jetkizilgen tórt qyzdyń barlyǵy Almatyǵa basqa óńirlerden kelgen. Olardyń arasynda Qaraqalpaqstan azamaty da bar. Tórt qyz Almaly aýdandyq politsiia basqarmasyna jetkizildi. Qazir olardyń jeke basy anyqtalyp, ózge quqyq buzýshylyqtarǵa qatysy bar-joǵy tekserilip jatyr.
Politsiia mundai qyzmetke úi-jai bergen menshik ieleriniń de áreketine quqyqtyq baǵa beriletinin eskertti.
«Mundai qyzmetke jai bergen turǵyn úi ieleri de nazardan tys qalmaidy. Olardyń áreketine quqyqtyq baǵa beriledi. Tekserý nátijesi boiynsha zańda qarastyrylǵan sharalar qabyldanady», – dep habarlady politsiia departamenti.
Qazir eki mekenjaiǵa qatysty tekserý jalǵasyp jatyr. Menshik ieleriniń jaýapkershiligi men nysandardyń qyzmetine qatysty túpkilikti sheshim tekserý nátijesine qarai qabyldanady.
