الماتىنىڭ المالى اۋدانىندا ينتيمدٸك قىزمەت كٶرسەتٸلگەن دەگەن كٷدٸكپەن ەكٸ نىسان انىقتالدى. بودي-سالون رەتٸندە جۇمىس ٸستەگەن بۇل ورىندار پوليتسييانىڭ نازارىنا ٸلٸككەن, دەپ حابارلايدى ult.kz.
قالالىق پوليتسييا دەپارتامەنتٸنٸڭ مەلٸمەتٸنشە, كٷمەندٸ نىسانداردىڭ بٸرٸ چايكوۆسكيي كٶشەسٸندەگٸ ٷيدەن, ەكٸنشٸسٸ تٶرەقۇلوۆ كٶشەسٸندەگٸ كٶپقاباتتى ٷيدەن انىقتالعان. ەر مەكەنجايدا ەكٸ قىزدان بولعان.
پوليتسيياعا جەتكٸزٸلگەن تٶرت قىزدىڭ بارلىعى الماتىعا باسقا ٶڭٸرلەردەن كەلگەن. ولاردىڭ اراسىندا قاراقالپاقستان ازاماتى دا بار. تٶرت قىز المالى اۋداندىق پوليتسييا باسقارماسىنا جەتكٸزٸلدٸ. قازٸر ولاردىڭ جەكە باسى انىقتالىپ, ٶزگە قۇقىق بۇزۋشىلىقتارعا قاتىسى بار-جوعى تەكسەرٸلٸپ جاتىر.
پوليتسييا مۇنداي قىزمەتكە ٷي-جاي بەرگەن مەنشٸك يەلەرٸنٸڭ دە ەرەكەتٸنە قۇقىقتىق باعا بەرٸلەتٸنٸن ەسكەرتتٸ.
«مۇنداي قىزمەتكە جاي بەرگەن تۇرعىن ٷي يەلەرٸ دە نازاردان تىس قالمايدى. ولاردىڭ ەرەكەتٸنە قۇقىقتىق باعا بەرٸلەدٸ. تەكسەرۋ نەتيجەسٸ بويىنشا زاڭدا قاراستىرىلعان شارالار قابىلدانادى», – دەپ حابارلادى پوليتسييا دەپارتامەنتٸ.
قازٸر ەكٸ مەكەنجايعا قاتىستى تەكسەرۋ جالعاسىپ جاتىر. مەنشٸك يەلەرٸنٸڭ جاۋاپكەرشٸلٸگٸ مەن نىسانداردىڭ قىزمەتٸنە قاتىستى تٷپكٸلٸكتٸ شەشٸم تەكسەرۋ نەتيجەسٸنە قاراي قابىلدانادى.
