Foto: Ashyq derekkóz
Jambyl oblysynda týǵan qyzyn zorlaǵan er adamǵa sot úkimi shyqty, dep habarlady oblystyq sottyń baspasóz qyzmeti.
Jas balaǵa qatysty seksýaldyq sipattaǵy zorlyq-zombylyq áreketteri bar isti oblystyq qylmystyq ister jónindegi mamandandyrylǵan aýdanaralyq soty qarady.
Sotpen anyqtalǵandai, 2025 jyldyń 25 sáýirinde sottalýshy Qordai aýylyndaǵy óz úiinde alkogoldik masań kúiinde 2019 jyly týǵan qyzynyń dármensiz kúiin paidalanyp, oǵan qatysty seksýaldyq sipattaǵy zorlyq-zombylyq áreketterin jasaǵan.
Sottalýshynyń kinási aiǵaqtarmen, sarapshylardyń qorytyndylarymen, basqa da zattai dáleldemelermen jáne istiń qujattarymen dáleldendi.
"Jábirlenýshi tarap sottalýshyny keshirmedi, zań boiynsha jaza taǵaiyndaýdy surady. ️Al sottalýshy kinásin tolyq moiyndady", - dep jazylǵan habarlamada.
Sot úkimimen er adam kináli dep tanylyp, oǵan ómir boiyna bas bostandyǵynan aiyrý túrindegi jazasy taǵaiyndaldy.
Sot moraldyq ziiannyń ótemi retinde 5 mln teńge óndirdi.
Úkim zańdy kúshine engen joq.
