Jambyl oblysynda dizel quiylǵan tsisternalar órtendi, - dep habarlaidy "Ult aqparat" TJD baspasóz qyzmetine silteme jasap.
"Jambyl oblysy Jambyl aýdanynyń Asa aýylyndaǵy "Amangeldi gaz óńdeý zaýyty» JShS Taraz filialynyń aýmaǵynda jalpy kólemi 480 tekshe metr dizel otyny bar eki rezervýar órtendi. Bul týraly habarlama Jambyl oblysy TJD kezekshi qyzmetine 12 saǵat 4 minýtta tústi.
Oqiǵa ornyna Jambyl oblysy TJD bastyǵy men jedel toby, órt sóndirý jáne avariialyq-qutqarý jumystary qyzmetiniń jedel toby shyqty.
Órtti sóndirýge barlyǵy 75 qyzmetker men 21 birlik tehnika jumyldyryldy. Sonymen qatar oqiǵa ornynda quramynda 7 adam jáne 2 birlik tehnikasy bar obektiniń memlekettik emes órtke qarsy qyzmeti jumys isteýde", - delingen habarlamada.
Órt saǵat 13.05-te oqshaýlanyp, 13.17-de sóndirildi. Zardap shekkender men qaza bolǵandar týraly málimet joq.
Tótenshe jaǵdailar departamenti málimetinshe, aldyn ala sebep - munai ónimderin aidaý kezindegi tehnologiialyq protsestiń buzylýy.
