Batys Qazaqstan oblysynda jalǵan qujattar arqyly 251 mln teńge investitsiialyq sýbsidiia alǵanu kúdiktige qatysty tergeý júrip jatyr. Qarjynyń bir bóligine turǵyn úi satyp alynǵan, dep habarlaidy ult.kz.
Qarjylyq monitoring agenttiginiń BQO boiynsha departamenti agroónerkásip keshenin damytýǵa bólingen biýdjet qarajatyn jymqyrý deregin anyqtady.
Tergeý málimetinshe, kúdikti óz baqylaýyndaǵy «Agrokompleks ARSEN» jáne «OnegeAgroServis» JShS-leri arqyly memleketten investitsiialyq sýbsidiia alý úshin jalǵan qujattar usynǵan. Qujattarda Jánibek aýdanynyń Kúigenkól aýyldyq okrýginde sý únemdeitin sýarý júielerin salýǵa jumsalǵan shyǵyndar kórsetilgen.
Alaida shyǵyndardy rastaý úshin jalǵan tólem tapsyrmalary men oryndalǵan jumystardyń aktileri tapsyrylǵan.
Osy qujattardyń negizinde seriktestikterdiń esepshottaryna jalpy somasy 251 mln teńge sýbsidiia aýdarylǵan. Keiin qarajat qolma-qol aqshaǵa ainaldyrylyp, onyń bir bóligine turǵyn úi satyp alynǵan.
Sottyń sanktsiiasymen atalǵan múlikke tyiym salyndy.
Qazirgi ýaqytta tergeý jalǵasyp jatyr. Qylmystyq-protsestik kodekstiń 201-babyna sáikes, tergeýdiń ózge málimetteri jariia etilmeidi.
