Jambyl oblysynda zańsyz ań aýlaǵandar quryqtaldy, - dep habarlaidy "Ult aqparat".
Jambyl oblysy ákimdiginiń tabiǵi resýrstar jáne tabiǵat paidalanýdy retteý basqarmasynyń «Mamandandyrylǵan» Sapsan «jedel qyzmetiniń» inspektorlary Sarysý aýdanynan Qyzyl kitapqa engen qaraquiryqty atyp alǵan azamatty ustady. Odan 2 ańshy myltyǵy tárkilenip alyndy. Shara Sarysý orman sharýashylyǵy mekemesi jáne Sarysý aýdandyq politsiia bólimshesimen birlesip júrgizildi. Zańdy buzǵan azamatqa salynǵan aiyppul kólemi 400 ailyq eseptik kórsetkish kóleminde. Tárkilengen qarýlar Sarysý aýdandyq politsiia bólimshesine ótkizildi
«Sondai-aq, jedel qyzmet mamandary jabaiy qabandy atyp alǵan azamatty da ustady. Oqiǵa Sarysý aýdanyndaǵy Jailaýkól eldi mekeniniń mańaiynda oryn alǵan. Keshki saǵat 19.30 shamasynda kúdikti azamatty toqtatyp teksergende onyń qasynda tirkelmegen 16 kalibrli ańshy myltyǵy bolǵan. Bul aiǵaq zattar Sarysý aýdandyq politsiia bólimshesine ótkizildi. Endi ustalǵan azamatqa 250 ailyq eseptik kórsetkish kóleminde aiyppul salyndy»,-dep habarlaida atalǵan basqarmanyń baspasóz qyzmeti.
