Búgin Jambyl oblysynyń úsh turǵyny koronavirýs infektsiiasynan jazylyp, úilerine shyǵaryldy, dep habarlaidy "Ult aqparat" QR Prezidenti janyndaǵy Tótenshe jaǵdai rejimin qamtamasyz etý jónindegi Memlekettik komissiianyń Jedel shtabyna silteme jasap.
Jedel shtab taratqan málimetterge qaraǵanda, emdelip shyqqandardyń ekeýi — anasy men uly, 1950 jáne 1979 jylǵy Taraz qalasynyń turǵyndary. Ekeýi de 2 sáýirde aýrýhanaǵa jatqyzyldy.
Úshinshisi - 1991 jylǵy Jambyl aýdanynyń turǵyny.
Aýyr júk tasymaldaýshy bolyp jumys isteitin ol Reseige júk tasyp, Almaty arqyly qaityp oralǵan. Ol da 2 sáýir kúni aýrýhanaǵa jatqyzyldy.
Olar eki apta boiy infektsiialyq statsionarda bolyp, em sharalaryn qabyldady. Algoritmge sáikes, olardan koronavirýs infektsiiasyna eki ret zerthanalyq taldaýlar alynyp, qorytyndysynda aýrýdan aiyqqany rastaldy.
Aldaǵy eki apta boiy olar jergilikti emhananyń ýchaskelik dárigeriniń baqylaýymen úi karantininde bolady.
Búgingi tańda infektsiialyq statsionarda 44 naýqas em alyp jatyr. Naýqastardyń jaǵdaiy qalypty, olar qajetti em sharalaryn alyp jatyr.
Jalpy bul óńirde koronavirýstan 6 adam saýyǵyp shyqty.
