بٷگٸن جامبىل وبلىسىنىڭ ٷش تۇرعىنى كوروناۆيرۋس ينفەكتسيياسىنان جازىلىپ, ٷيلەرٸنە شىعارىلدى, دەپ حابارلايدى "ۇلت اقپارات" قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ جەدەل شتابىنا سٸلتەمە جاساپ.
جەدەل شتاب تاراتقان مەلٸمەتتەرگە قاراعاندا, ەمدەلٸپ شىققانداردىڭ ەكەۋٸ — اناسى مەن ۇلى, 1950 جەنە 1979 جىلعى تاراز قالاسىنىڭ تۇرعىندارى. ەكەۋٸ دە 2 سەۋٸردە اۋرۋحاناعا جاتقىزىلدى.
ٷشٸنشٸسٸ - 1991 جىلعى جامبىل اۋدانىنىڭ تۇرعىنى.
اۋىر جٷك تاسىمالداۋشى بولىپ جۇمىس ٸستەيتٸن ول رەسەيگە جٷك تاسىپ, الماتى ارقىلى قايتىپ ورالعان. ول دا 2 سەۋٸر كٷنٸ اۋرۋحاناعا جاتقىزىلدى.
ولار ەكٸ اپتا بويى ينفەكتسييالىق ستاتسيوناردا بولىپ, ەم شارالارىن قابىلدادى. الگوريتمگە سەيكەس, ولاردان كوروناۆيرۋس ينفەكتسيياسىنا ەكٸ رەت زەرتحانالىق تالداۋلار الىنىپ, قورىتىندىسىندا اۋرۋدان ايىققانى راستالدى.
الداعى ەكٸ اپتا بويى ولار جەرگٸلٸكتٸ ەمحانانىڭ ۋچاسكەلٸك دەرٸگەرٸنٸڭ باقىلاۋىمەن ٷي كارانتينٸندە بولادى.
بٷگٸنگٸ تاڭدا ينفەكتسييالىق ستاتسيوناردا 44 ناۋقاس ەم الىپ جاتىر. ناۋقاستاردىڭ جاعدايى قالىپتى, ولار قاجەتتٸ ەم شارالارىن الىپ جاتىر.
جالپى بۇل ٶڭٸردە كوروناۆيرۋستان 6 ادام ساۋىعىپ شىقتى.
