ورالدا 2013 جىلدان بەرٸ تۇرعىن ٷي كەزەگٸندە تۇرعان اتا-انا قامقورلىعىنسىز قالعان ازاماتتى ەسەپتەن شىعارۋ زاڭسىز دەپ تانىلدى. سوت ونىڭ تالابىن قاناعاتتاندىردى, دەپ حابارلايدى ult.kz.
باتىس قازاقستان وبلىسىنىڭ سوتى انىقتاعانداي, ازامات ا. كوممۋنالدىق تۇرعىن ٷي قورىنان باسپانا الۋعا مۇقتاجدار ەسەبٸندە تۇرعان. كەيٸن ول بەلگٸسٸز سەبەپتەرمەن كەزەكتەن شىعارىلعان.
ازامات بۇل شەشٸممەن كەلٸسپەي, سوتقا جٷگٸنگەن. سوت تۇرعىن ٷي ەسەبٸنەن شىعارۋعا زاڭدى نەگٸز بولماعانىن انىقتاپ, ەكٸمشٸلٸك تالاپ ارىزدى قاناعاتتاندىردى.
سوت ٶكٸلدەرٸنٸڭ تٷسٸندٸرۋٸنشە, جەتٸم بالالار مەن اتا-انا قامقورلىعىنسىز قالعان, تۇرعىن ٷيگە مۇقتاج رەتٸندە ەسەپكە الىنعان ازاماتتار باسپانامەن قامتاماسىز ەتٸلگەنگە دەيٸن كەزەكتەن شىعارىلماۋى تيٸس.
