Oralda 2013 jyldan beri turǵyn úi kezeginde turǵan ata-ana qamqorlyǵynsyz qalǵan azamatty esepten shyǵarý zańsyz dep tanyldy. Sot onyń talabyn qanaǵattandyrdy, dep habarlaidy ult.kz.
Batys Qazaqstan oblysynyń soty anyqtaǵandai, azamat A. kommýnaldyq turǵyn úi qorynan baspana alýǵa muqtajdar esebinde turǵan. Keiin ol belgisiz sebeptermen kezekten shyǵarylǵan.
Azamat bul sheshimmen kelispei, sotqa júgingen. Sot turǵyn úi esebinen shyǵarýǵa zańdy negiz bolmaǵanyn anyqtap, ákimshilik talap aryzdy qanaǵattandyrdy.
Sot ókilderiniń túsindirýinshe, jetim balalar men ata-ana qamqorlyǵynsyz qalǵan, turǵyn úige muqtaj retinde esepke alynǵan azamattar baspanamen qamtamasyz etilgenge deiin kezekten shyǵarylmaýy tiis.
