Pavlodar oblysyndaǵy qylmystyq-atqarý júiesi mekemeleriniń birinen 15 smartfon, Wi-Fi-roýterler jáne Sony PlayStation oiyn pristavkasy tárkilendi. Osy derek boiynsha qylmystyq is qozǵaldy, dep habarlaidy ult.kz.
Oblystyq prokýratýranyń málimetinshe, tekserý kezinde tyiym salynǵan zattarmen birge qulaqqaptar, USB-kabelder men flesh-kartalar da tabylǵan.
Atalǵan zattardy sottalǵandarǵa saqtaýǵa jáne paidalanýǵa ruqsat etilmeidi. Osyǵan bailanysty Qylmystyq kodekstiń 371-baby boiynsha sotqa deiingi tergep-tekserý bastaldy.
Qazir gadjetterdiń mekemege qalai jetkizilgeni jáne oǵan kimderdiń qatysy bary anyqtalyp jatyr. Tergeý múddesine bailanysty ózge aqparat jariialanbaidy.
