Jambyl oblysynda koronavirýs infektsiiasyna shaldyǵýdyń jańa derekterine qatysty málimet berildi, dep habarlaidy "Ult aqparat" oblys ákimdiginiń resmi saityna silteme jasap.
1 oqiǵa 17 sáýir kúni (saǵat 22.50-degi jaǵdai boiynsha), 4 jaǵdai 18 sáýir kúni (saǵat 09.30-daǵy jaǵdai) anyqtalǵan bolatyn. Onyń 2-eýi Qordai aýdanynda, 2-eýi Taraz qalasynda jáne 1-eýi Jambyl aýdanynda tirkeldi.
17 sáýirde koronavirýs Qordai aýdanynda anyqtaldy. Naýqas – Qyrǵyz Respýblikasynyń azamaty, júrgizýshi. Almaty qalasyna júk artýǵa kele jatqan. Memlekettik shekarany kesip ótý kezinde «Qarasý» ótý pýnktinde odan PTR-ǵa alynǵan taldaý oń nátije kórsetti. Naýqas arnaiy kólikpen Bishkek qalasyna jiberildi.
18 sáýirde tirkelgen eki naýqas – Qordai jáne Jambyl aýdandarynyń turǵyndary.
Onyń biri – naýqaspen jaqyn bailanysta bolǵan tulǵa retinde Taraz qalasynda karantindik statsionarda jatqan 2002 jyly týǵan qyz bala. Karantindik statsionarǵa jatqyzǵan kúngi zerthana taldaýy teris nátije kórsetkenimen, qaitalap alynǵan taldaý qorytyndysy oń nátije kórsetti.
Ekinshisi 1991 jyly týǵan Jambyl aýdanynyń turǵyny. Ol bailanysta bolǵan tulǵa retinde úi karantinine oqshaýlanyp, PTR-ge alynǵan taldaý oń nátije kórsetken.
Qalǵan eki naýqas – Taraz qalasynyń turǵyndary.
1970 jyly týǵan áiel dene qyzýynyń joǵarylaýyna bailanysty densaýlyq jaǵdaiy boiynsha demalysta bolǵan. Alynǵan taldaý qorytyndysy koronavirýs infektsiiasynyń bar ekenin kórsetti.
Sondai-aq, Taraz qalasynan tirkelgen ekinshi naýqas –1987 jyly týǵan áiel. Júktiliginiń 20-aptasyn ótkizip jatqan ol joǵary dene qyzýy, entigý men jótelge qatysty shaǵymdarymen emhanaǵa jetkizilip, KVI-ǵa tekseris qorytyndysy oń nátije kórsetken.
Infektsiia juqtyrǵan barlyq tórt qazaqstandyq oblystyq kópsalaly balalar aýrýhanasynyń juqpaly aýrýlar korpýsyna jatqyzyldy.
Úi jáne jumys oryndary boiynsha oshaqtarda epidemiiaǵa qarsy óńdeý is-sharalary júrgizildi. Epidemiologiialyq tekseris barysynda bailanysta bolǵan 35 adam anyqtaldy.
Jalpy oblys aýmaǵynda koronavirýstyq infektsiianyń 58 jaǵdaiy tirkelgen. Onyń ishinde Taraz qalasynda - 9, Baizaq aýdanynda – 3, Jambyl aýdanynda – 4, Qordai aýdanynda - 32, Merki aýdanynda - 2, Moiynqum aýdanynda – 1, Shý aýdanynda – 1, sondai-aq Deli-Taraz reisinen 6 jaǵdai anyqtalǵan.
Sońǵy derekter boiynsha Jambyl oblysynda infektsiiany juqtyrǵandardyń jalpy sany – 58 adam.
