Foto: Pexels.com
Jambyl oblysy boiynsha Kóliktik baqylaý inspektsiiasy basshysynyń mindetin atqarýshy D. Kemelov birneshe ret para alǵany úshin sottaldy, dep habarlaidy Ult.kz.
Taraz qalalyq sotynyń 20 naýryzdaǵy úkimine sáikes, Kemelov júk kólikteriniń ieleri men júrgizýshilerinen oblys aýmaǵynda kedergisiz júrý úshin 100 myńnan 450 myń teńgege deiin para alǵan.
🔹 Kemelov – 6 jylǵa bas bostandyǵynan aiyryldy.
🔹 M. Mamyrov (para berýshi ári deldal) – 3 jylǵa sottaldy.
🔹 N. Abdýllaev pen E. Qanatov (para berýshiler) – árqaisysyna 5,6 mln teńge aiyppul salyndy.
🔹 Sottalǵandar memlekettik jáne kvazimemlekettik sektorda qyzmet etý quqyǵynan ómir boiyna aiyryldy.
Sot úkimi ázirge zańdy kúshine engen joq.
