Jambyl oblysynda keler jyly úsh sý qoimasynyń qurylysy bastalady, dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
«Qazsýshar» RMK Jambyl oblystyq filialynyń direktory Qazybek Bedebaevtyń aitýynsha, jańa gidroqurylym 2024 jylǵa deiin paidalanýǵa beriledi dep josparlanyp otyr. Qurylys júrgizý úshin Qarjy ministrligine biýdjet ótinimi berilgen.
«Jambyl oblysynda sý tapshylyǵy talai jyldan beri kún tártibinen túspei keledi. Eger bul máseleni túbegeili sheshý tek qarjyǵa ǵana bailanysty bolsa, sý tapshylyǵynan áldeqashan qutylar edik. Ókinishke qarai óńir transshekaralyq ózenderdiń sýyn paidalanatyn bolǵandyqtan munda kórshiles memleketke táýeldilik te bar. Dese de, osy máseleni sheshý úshin úsh sý qoimasyn salýdy josparlap otyrmyz . Tehnikalyq-ekonomikalyq negizdeme memlekettik saraptamanyń oń qorytyndysyn aldy. Endi salalyq ministrlik qajetti qarajatty bólse, qurylys jumystaryn bastaimyz», - dedi Qazybek Bedebaev.
Aita keteiik, qarjy máselesi sheshilse Qordai aýdanynda syiymdylyǵy 15,222 mln tekshe metr bolatyn «Yrǵaity» sý qoimasynyń irgetasy qalanbaq. Sondai-aq dál osy aýdanda syiymdylyǵy 14,6 mln tekshe metrdi quraityn «Qalǵuty» sý qoimasy, Baizaq aýdanynda 11,107 mln tekshe metr sý siiatyn «Aqmola» sý qoimasy salynady.
«Bul nysandardyń jalpy quny 14,9 mlrd teńgege teń. Jańa sý qoimalary vegetatsiia kezinde kórshi memleketke aǵyn sýǵa táýeldilikti azaityp, oblys aýmaǵyndaǵy 34,5 myń gektar sýarmaly alqapty sýlandyrýǵa múmkindik beredi», - dedi filial direktory.
Búginde óńirde aýyl sharýashylyǵy daqyldary egilgen egistiktiń jalpy kólemi 200 myń gektardan asady. Al qaita jańǵyrtý jumystary aiasynda tozyǵy jetken gidrotehnikalyq nysandar qaita qalpyna keltiriledi. Oblystaǵy Baizaq, Jambyl, Jýaly, Qordai jáne Merki aýdandaryndaǵy sý sharýashylyǵy nysandaryna «Eýropa qaita qurý jáne damý banki» esebinen qaita jańǵyrtý jumystary júrgizilip jatyr.
Búgingi tańda 31 joba boiynsha atalǵan jumystardyń merdigerleri anyqtalyp, qurylys jumystary qolǵa alynǵan .
Jańǵyrtý jumystarynyń jalpy quny 21,5 mlrd teńge. Jobanyń júzege asýymen 1 388 shaqyrym bolatyn 310 nysan kúrdeli jóndeýden ótedi. Mamyry aiyna deiin 87 shaqyrymǵa jýyq kanaldy betonmen qaptaý jáne 189 shaqyrymdai kanalǵa mehanikalyq tazalaý jumysy júrgizilgen.
Aita ketsek, qaita jańǵyrtý jumystary aiaqtalǵannan keiin óńirde 51,271 myń gektar sýarmaly alqap qaita ainalymǵa enbek.
