جامبىل وبلىسىندا كەلەر جىلى ٷش سۋ قويماسىنىڭ قۇرىلىسى باستالادى, دەپ حابارلايدى "ۇلت اقپارات" ەكولوگييا, گەولوگييا جەنە تابيعي رەسۋرستار مينيسترلٸگٸنە سٸلتەمە جاساپ.
«قازسۋشار» رمك جامبىل وبلىستىق فيليالىنىڭ ديرەكتورى قازىبەك بەدەباەۆتىڭ ايتۋىنشا, جاڭا گيدروقۇرىلىم 2024 جىلعا دەيٸن پايدالانۋعا بەرٸلەدٸ دەپ جوسپارلانىپ وتىر. قۇرىلىس جٷرگٸزۋ ٷشٸن قارجى مينيسترلٸگٸنە بيۋدجەت ٶتٸنٸمٸ بەرٸلگەن.
«جامبىل وبلىسىندا سۋ تاپشىلىعى تالاي جىلدان بەرٸ كٷن تەرتٸبٸنەن تٷسپەي كەلەدٸ. ەگەر بۇل مەسەلەنٸ تٷبەگەيلٸ شەشۋ تەك قارجىعا عانا بايلانىستى بولسا, سۋ تاپشىلىعىنان ەلدەقاشان قۇتىلار ەدٸك. ٶكٸنٸشكە قاراي ٶڭٸر ترانسشەكارالىق ٶزەندەردٸڭ سۋىن پايدالاناتىن بولعاندىقتان مۇندا كٶرشٸلەس مەملەكەتكە تەۋەلدٸلٸك تە بار. دەسە دە, وسى مەسەلەنٸ شەشۋ ٷشٸن ٷش سۋ قويماسىن سالۋدى جوسپارلاپ وتىرمىز . تەحنيكالىق-ەكونوميكالىق نەگٸزدەمە مەملەكەتتٸك ساراپتامانىڭ وڭ قورىتىندىسىن الدى. ەندٸ سالالىق مينيسترلٸك قاجەتتٸ قاراجاتتى بٶلسە, قۇرىلىس جۇمىستارىن باستايمىز», - دەدٸ قازىبەك بەدەباەۆ.
ايتا كەتەيٸك, قارجى مەسەلەسٸ شەشٸلسە قورداي اۋدانىندا سىيىمدىلىعى 15,222 ملن تەكشە مەتر بولاتىن «ىرعايتى» سۋ قويماسىنىڭ ٸرگەتاسى قالانباق. سونداي-اق دەل وسى اۋداندا سىيىمدىلىعى 14,6 ملن تەكشە مەتردٸ قۇرايتىن «قالعۇتى» سۋ قويماسى, بايزاق اۋدانىندا 11,107 ملن تەكشە مەتر سۋ سيياتىن «اقمولا» سۋ قويماسى سالىنادى.
«بۇل نىسانداردىڭ جالپى قۇنى 14,9 ملرد تەڭگەگە تەڭ. جاڭا سۋ قويمالارى ۆەگەتاتسييا كەزٸندە كٶرشٸ مەملەكەتكە اعىن سۋعا تەۋەلدٸلٸكتٸ ازايتىپ, وبلىس اۋماعىنداعى 34,5 مىڭ گەكتار سۋارمالى القاپتى سۋلاندىرۋعا مٷمكٸندٸك بەرەدٸ», - دەدٸ فيليال ديرەكتورى.
بٷگٸندە ٶڭٸردە اۋىل شارۋاشىلىعى داقىلدارى ەگٸلگەن ەگٸستٸكتٸڭ جالپى كٶلەمٸ 200 مىڭ گەكتاردان اسادى. ال قايتا جاڭعىرتۋ جۇمىستارى اياسىندا توزىعى جەتكەن گيدروتەحنيكالىق نىساندار قايتا قالپىنا كەلتٸرٸلەدٸ. وبلىستاعى بايزاق, جامبىل, جۋالى, قورداي جەنە مەركٸ اۋداندارىنداعى سۋ شارۋاشىلىعى نىساندارىنا «ەۋروپا قايتا قۇرۋ جەنە دامۋ بانكٸ» ەسەبٸنەن قايتا جاڭعىرتۋ جۇمىستارى جٷرگٸزٸلٸپ جاتىر.
بٷگٸنگٸ تاڭدا 31 جوبا بويىنشا اتالعان جۇمىستاردىڭ مەردٸگەرلەرٸ انىقتالىپ, قۇرىلىس جۇمىستارى قولعا الىنعان .
جاڭعىرتۋ جۇمىستارىنىڭ جالپى قۇنى 21,5 ملرد تەڭگە. جوبانىڭ جٷزەگە اسۋىمەن 1 388 شاقىرىم بولاتىن 310 نىسان كٷردەلٸ جٶندەۋدەن ٶتەدٸ. مامىرى ايىنا دەيٸن 87 شاقىرىمعا جۋىق كانالدى بەتونمەن قاپتاۋ جەنە 189 شاقىرىمداي كانالعا مەحانيكالىق تازالاۋ جۇمىسى جٷرگٸزٸلگەن.
ايتا كەتسەك, قايتا جاڭعىرتۋ جۇمىستارى اياقتالعاننان كەيٸن ٶڭٸردە 51,271 مىڭ گەكتار سۋارمالى القاپ قايتا اينالىمعا ەنبەك.
