Foto: QR DSM
Jambyl oblysynda qaitys bolǵan donordan kóp aǵzalyq aǵza alý operatsiiasy sátti júrgizildi, dep habarlaidy Ult.kz.
Bul kúrdeli ári joǵary tehnologiialyq operatsiia QR Densaýlyq saqtaý ministrliginiń transplantattaýdy úilestirý jónindegi respýblikalyq ortalyǵy men Jedel meditsinalyq járdem qyzmetiniń úilesimdi jumysynyń, sondai-aq Jambyl kópbeiindi oblystyq aýrýhanasy mamandarynyń kásibiliginiń arqasynda múmkin boldy.
Operatsiiaǵa «Ulttyq ǵylymi onkologiia ortalyǵy», University Medical Center júrek ortalyǵynyń, Shymkent qalasynyń júrek ortalyǵynyń komandalary, sondai-aq Astana qalasynyń meditsinalyq aviatsiia mamandary qatysty.
Mi qan ainalymynyń jiti buzylýy diagnozymen aýyr halde jetkizilgen 1976 jyly týǵan jambyldyq patsienttiń jaǵdaiy dárigerlerdiń kúsh-jigerine qaramastan, emge baǵynbady, jáne úshinshi kúni mi ólimi anyqtaldy. Barlyq quqyqtyq rásimderden keiin jáne otbasynan kelisim alǵan soń, basqa adamdarǵa ómir súrýge múmkindik berý týraly mańyzdy sheshim qabyldandy.
Nátijesinde, ómirlik mańyzdy júrek, baýyr jáne búirek aǵzalary alyndy. Júrek shuǵyl transplantattaýdy qajet etetin jas patsientke Shymkent qalasyna jiberildi. Al baýyr men búirek ómirin saqtap qalý múmkindigin kútken basqa patsientterge transplantattaý úshin Astana qalasyna jetkizildi.
Kóp aǵzalyq alý – bul qaitys bolǵannan keiin bir donordan birden birneshe aǵza alynatyn rásim. Bul meditsinalyq mekemeler men aviatsiia arasyndaǵy joǵary úilestirýdi, daiyndyqty jáne ózara is-qimyldy qajet etedi.
Birneshe patsienttiń ómirin saqtap qalǵan batyl ári adamgershilik sheshimi úshin donordyń otbasyna shyn júrekten alǵys aitamyz. Sondai-aq, osy mańyzdy jáne igi iske qatysqan barlyq mamandar men uiymdarǵa alǵysymyzdy bildiremiz.
