فوتو: قر دسم
جامبىل وبلىسىندا قايتىس بولعان دونوردان كٶپ اعزالىق اعزا الۋ وپەراتسيياسى سەتتٸ جٷرگٸزٸلدٸ, دەپ حابارلايدى Ult.kz.
بۇل كٷردەلٸ ەرٸ جوعارى تەحنولوگييالىق وپەراتسييا قر دەنساۋلىق ساقتاۋ مينيسترلٸگٸنٸڭ ترانسپلانتاتتاۋدى ٷيلەستٸرۋ جٶنٸندەگٸ رەسپۋبليكالىق ورتالىعى مەن جەدەل مەديتسينالىق جەردەم قىزمەتٸنٸڭ ٷيلەسٸمدٸ جۇمىسىنىڭ, سونداي-اق جامبىل كٶپبەيٸندٸ وبلىستىق اۋرۋحاناسى ماماندارىنىڭ كەسٸبيلٸگٸنٸڭ ارقاسىندا مٷمكٸن بولدى.
وپەراتسيياعا «ۇلتتىق عىلىمي ونكولوگييا ورتالىعى», University Medical Center جٷرەك ورتالىعىنىڭ, شىمكەنت قالاسىنىڭ جٷرەك ورتالىعىنىڭ كوماندالارى, سونداي-اق استانا قالاسىنىڭ مەديتسينالىق اۆياتسييا ماماندارى قاتىستى.
مي قان اينالىمىنىڭ جٸتٸ بۇزىلۋى دياگنوزىمەن اۋىر حالدە جەتكٸزٸلگەن 1976 جىلى تۋعان جامبىلدىق پاتسيەنتتٸڭ جاعدايى دەرٸگەرلەردٸڭ كٷش-جٸگەرٸنە قاراماستان, ەمگە باعىنبادى, جەنە ٷشٸنشٸ كٷنٸ مي ٶلٸمٸ انىقتالدى. بارلىق قۇقىقتىق رەسٸمدەردەن كەيٸن جەنە وتباسىنان كەلٸسٸم العان سوڭ, باسقا ادامدارعا ٶمٸر سٷرۋگە مٷمكٸندٸك بەرۋ تۋرالى ماڭىزدى شەشٸم قابىلداندى.
نەتيجەسٸندە, ٶمٸرلٸك ماڭىزدى جٷرەك, باۋىر جەنە بٷيرەك اعزالارى الىندى. جٷرەك شۇعىل ترانسپلانتاتتاۋدى قاجەت ەتەتٸن جاس پاتسيەنتكە شىمكەنت قالاسىنا جٸبەرٸلدٸ. ال باۋىر مەن بٷيرەك ٶمٸرٸن ساقتاپ قالۋ مٷمكٸندٸگٸن كٷتكەن باسقا پاتسيەنتتەرگە ترانسپلانتاتتاۋ ٷشٸن استانا قالاسىنا جەتكٸزٸلدٸ.
كٶپ اعزالىق الۋ – بۇل قايتىس بولعاننان كەيٸن بٸر دونوردان بٸردەن بٸرنەشە اعزا الىناتىن رەسٸم. بۇل مەديتسينالىق مەكەمەلەر مەن اۆياتسييا اراسىنداعى جوعارى ٷيلەستٸرۋدٸ, دايىندىقتى جەنە ٶزارا ٸس-قيمىلدى قاجەت ەتەدٸ.
بٸرنەشە پاتسيەنتتٸڭ ٶمٸرٸن ساقتاپ قالعان باتىل ەرٸ ادامگەرشٸلٸك شەشٸمٸ ٷشٸن دونوردىڭ وتباسىنا شىن جٷرەكتەن العىس ايتامىز. سونداي-اق, وسى ماڭىزدى جەنە يگٸ ٸسكە قاتىسقان بارلىق ماماندار مەن ۇيىمدارعا العىسىمىزدى بٸلدٸرەمٸز.
