Jambyl oblysynda qarly boranǵa bailanysty avariialyq- qutqarý jumystary júrgizilýde, dep habarlaidy "Ult aqparat".
Óńirde aýa raiynyń nasharlaýy týraly aqparat alǵan sátten Jambyl oblysy TJ departamenti bastyǵynyń orynbasary polkovnik Maqsat Qosybaev ártúrli sipattaǵy TJ jaǵdailarda Jýaly, Talas jáne basqa aýdandarǵa jedel shyǵý úshin Taraz qalasynyń baǵynysty bólimsheleriniń kúshteri men quraldarynyń daiyndyǵyn taǵy bir pysyqtady.
Jýaly, Jambyl, Talas, Sarysý aýdandyq TJB jáne TJD jolda qalǵan júrgizýshiler men jolaýshylardy qutqarý jumystaryn uiymdastyrýda.
Osy maqsatta búgin 9 saǵ 30 min TJD-de shuǵyl shtab qurylyp, onyń quramyna Qazavtojol, Qazaqstan temir joly, Jolaýshylar kóligi basqarmasy, PD ókilderi endi.
Avtojoldardy tazalaý úshin «Qazavtojol» JShS -nen 9 tehnika jáne12 adam, «Qarataý joldary» JShS-nen 2 tehnika, 2 adam, «Sarysý j oldary» JShS-nen 2 tehnika, 2 adam tartyldy.
Saǵat 14-30-daǵy jaǵdai boiynsha Aisha-bibi aýylynda 60 júk jáne 45 jeńil avtokólik, «Almaty-Termez-Tashkent» avtojolynda jabyq ýchaske ishinde 38 júk avtomashinasy, 15 jeńil avtomashinasy, 2 shaǵyn avtobýs qalyp otyr.
Avariialyq-qutqarý jumystaryn júrgizý úshin TJD-dan 8 tehnikalyq jáne 21 adam jumyldyryldy. TJD kúshimen «Qarataý – Taraz» avtojolynda qar
qursaýynda qalǵan avtokólikterden 23 adam qutqaryldy, 6 jeńil avtokólik súirep shyǵaryldy. Jýaly aýdanyndaǵy «Almaty-Termez-Tashkent» kúre jolynda turyp qalǵan avtokólikterden 59 adam evakýatsiialandy.
Jýaly, Jambyl aýdandaryn jylytý pýnkteri ashyldy. Olarda ystyq tamaq uiymdastyryldy, meditsina qyzmetkerleriniń kezekshiligi qamtamasyz etildi. Aisha bibi blok beketin kúsheitý úshin qosymsha kúsh jiberildi.
Júrgizýshiler men jolaýshylar úshin jaǵdaidy habarlaý maqsatynda dybystyq sóileý qondyrǵylary bar 2 birlik jedel tehnikasy, jolaýshylardy temirjol vokzalyna jetkizý úshin 1 avtobýs jáne 1adamdardy tasymaldaýǵa arnalǵan kólik, alǵashqy meditsinalyq kómek kórsetý úshin «AMO» 1 reomobili tartyldy.
