Jambyl oblysynda karantindik sharalardy jeńildetý týraly sheshim qabyldanyp, birqatar nysandarǵa jumystaryn qaita bastaýǵa ruqsat etildi, - dep habarlandy oblys ákimdiginiń resmi saitynda.
QR Prezidentiniń jáne tótenshe jaǵdai rejimin qamtamasyz etý jónindegi memlekettik komissiianyń tapsyrmasyna sáikes Jambyl oblysy ákimdiginiń jedel shtaby 2020 jyldyń 28 sáýirinde ruqsat etilgen qyzmet túrleriniń tizbesin keńeitý jáne karantin rejimin jeńildetý týraly sheshim qabyldady.
«Atap aitqanda, endi óńirde azyq-túlik emes taýarlary: turmystyq himiia jáne sharýashylyq taýarlaryn satý boiynsha usaq saýda nysandarynyń (aýdany 100 sharshy metrge deiin) qyzmetine ruqsat etiledi.
Sondai-aq, avtokólik satatyn dúkenderdiń, avto qosalqy bólshekter satatyn dúkenderdiń (avtomobildik qosalqy bólshekterdi satý jónindegi bazarlardy qospaǵanda), kólik jýý, TQS, lombardtar, valiýta aiyrbastaý pýnktteri, notarialdyq jáne advokattyq keńseler, tigin jáne aiaq kiim sheberhanalary, himiialyq tazalaý jáne kir jýý oryndary ashylady», delingen habarlamada. Bul nysandar saǵat 10.00-den 18.00-ge deiin jumys istemek.
Degenmen, jumysty qaita bastaý úshin ol nysandar barlyq sanitarlyq-epidemiologiialyq talaptardy qatań saqtaýǵa mindetteledi. Naqtyraq aitsaq, sanitarlyq tazartqyshtardyń, meditsinalyq betperdeler men qolǵaptardyń jáne t.b. bolýy.
Osy oraida oblys turǵyndary turǵylyqty mekenjaiy nemese jumys ornyna jaqyn ornalasqan atalǵan nysandarǵa bara alady.
Áli de iri saýda-oiyn-saýyq ortalyqtarynyń, bazarlardyń, kinoteatrlardyń, monsha keshenderiniń, kompiýterlik klýbtardyń, fitnes-ortalyqtardyń, turmystyq tehnika dúkenderiniń, kiim-keshek dúkenderiniń jáne adamdar kóp jinalatyn basqa da oryndardyń qyzmetine tyiym salynǵan.
Atalǵan nysandar kezeń-kezeńimen ashylatyn bolady.
Aldaǵy kúnderi jergilikti atqarýshy organdardyń mobildik toptary sanitarlyq normalardyń saqtalýyn tekserip, árbir kásipkermen tiisti memorandýmdar jasasady. Eger sanitarlyq normalar saqtalmaǵan jaǵdaida, mobildik toptar kásipkerlik nysanynyń qyzmetine tyiym salýǵa quqyly.
Budan basqa, turǵyndarǵa saǵat 10.00-den 12.00-ge deiin jáne saǵat 17.00-den 20.00-ge deiin úsh adamnan aspaityn (bir otbasy múshelerin qospaǵanda) turǵylyqty jerine jaqyn mańda qysqa merzimdi serýendeýge (30 minýtqa deiin) ruqsat etiledi. Bul rette azamattarǵa basqa adamdarmen ara qashyqtyqty saqtaý qajet.
Jambyldyqtarǵa saǵat 07.00-den 10.00-ge deiin saiajailarǵa shyǵýǵa bolady jáne keri qaitýǵa saǵat 17.00-den 20.00-ge deiin ruqsat etiledi.
Taksi qyzmetiniń jumysy saǵat 06.00-den bastap bir saǵatqa, iaǵni saǵat 21.00-ge deiin uzartyldy.
