Foto: Polisia.kz
Jambyl oblysynda iri kólemdegi sintetikalyq esirtkini Telegram arqyly taratýshylar ustaldy, – dep habarlaidy Polisia.kz.
"Jambyl oblysynyń politsiia departamenti esirtki qylmysyna qarsy is-qimyl basqarmasynyń qyzmetkerleri sintetikalyq esirtkini jetkizý arnasynyń jolyn kesý maqsatynda jedel-izdestirý is-sharalary keshenin júrgizdi. Esirtki satýshylardyń áreketin joiý boiynsha arnaiy operatsiia eki ai boiy júrgizildi. Politseiler sintetikalyq esirtkini satýdy, tyiym salynǵan zattardy jarnamalaýdy júzege asyrǵan tórt adamdy anyqtady" - delingen habarlamada.
Olardyń biri – 26 jastaǵy Taraz turǵyny. Almatydan Tarazǵa esirtki jetkizý arnasyn uiymdastyrǵan. Al 22 jastaǵy azamat Telegram arnasynda ákimshi bolǵan. Sondai-aq esirtki saýdasy jelisine (kepilgerler, tasymaldaýshylar jáne t.b.) personaldardy jaldaýmen ainalysqan jáne Atyraý, Astana jáne Almaty qalalaryna “sintetika” ótkizý arnasyn uiymdastyrǵan.
Foto: Polisia.kz
Qylmystyq áreketke 19 (máselelerdi kúshpen sheshý) jáne 23 jastaǵy (kýrer) turǵyndardyń da qatysy bar bolyp shyqty. Olardy Taraz qalasyndaǵy QR UU “Búrkit” arnaiy maqsattaǵy bólinis jáne PD esirtki qylmysyna qarsy is-qimyl basqarmasynyń qyzmetkerleri quryqtaǵan.
"Oqiǵa ornynda Jambyl oblysynyń aýmaǵynda sintetikalyq esirtkilerdi ótkizý jáne taratýǵa qatysty habarlama jazbalar jazylǵan telefondar tárkilendi. Sondai-aq saraptama nátijelerine sáikes, jalpy salmaǵy 608,17 gramm mefedron tárkilendi" - delingen habarlamada.
Tintý barysynda ustalǵan 22 jastaǵy azamattan da 33,56 gramm mefedron tabylǵan.
"Ustalǵan azamattar kinásin moiyndap, Taraz qalasynyń ýaqytsha ustaý izoliatoryna qamaqqa alyndy. Qazirgi ýaqytta osy derekke qatysty Qazaqstan Respýblikasy Qylmystyq kodeksiniń 297-baby 3-bóligi (Asa iri mólsherde esirtki zattaryn ótkizý maqsatynda zańsyz saqtaý) boiynsha sotqa deiingi tergep-tekserý amaldary bastaldy. Bul bap boiynsha múlki tárkilenip, on jyldan on bes jylǵa deiingi merzimge bas bostandyǵynan aiyrý túrindegi jaza qarastyrylady", – deidi politsiia departamenti esirtki qylmysyna qarsy is-qimyl basqarmasynyń bastyǵy Álim Bajyqbaev.
