فوتو: Polisia.kz
جامبىل وبلىسىندا ٸرٸ كٶلەمدەگٸ سينتەتيكالىق ەسٸرتكٸنٸ Telegram ارقىلى تاراتۋشىلار ۇستالدى, – دەپ حابارلايدى Polisia.kz.
"جامبىل وبلىسىنىڭ پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ سينتەتيكالىق ەسٸرتكٸنٸ جەتكٸزۋ ارناسىنىڭ جولىن كەسۋ ماقساتىندا جەدەل-ٸزدەستٸرۋ ٸس-شارالارى كەشەنٸن جٷرگٸزدٸ. ەسٸرتكٸ ساتۋشىلاردىڭ ەرەكەتٸن جويۋ بويىنشا ارنايى وپەراتسييا ەكٸ اي بويى جٷرگٸزٸلدٸ. پوليتسەيلەر سينتەتيكالىق ەسٸرتكٸنٸ ساتۋدى, تىيىم سالىنعان زاتتاردى جارنامالاۋدى جٷزەگە اسىرعان تٶرت ادامدى انىقتادى" - دەلٸنگەن حابارلامادا.
ولاردىڭ بٸرٸ – 26 جاستاعى تاراز تۇرعىنى. الماتىدان تارازعا ەسٸرتكٸ جەتكٸزۋ ارناسىن ۇيىمداستىرعان. ال 22 جاستاعى ازامات Telegram ارناسىندا ەكٸمشٸ بولعان. سونداي-اق ەسٸرتكٸ ساۋداسى جەلٸسٸنە (كەپٸلگەرلەر, تاسىمالداۋشىلار جەنە ت.ب.) پەرسونالداردى جالداۋمەن اينالىسقان جەنە اتىراۋ, استانا جەنە الماتى قالالارىنا “سينتەتيكا” ٶتكٸزۋ ارناسىن ۇيىمداستىرعان.
فوتو: Polisia.kz
قىلمىستىق ەرەكەتكە 19 (مەسەلەلەردٸ كٷشپەن شەشۋ) جەنە 23 جاستاعى (كۋرەر) تۇرعىنداردىڭ دا قاتىسى بار بولىپ شىقتى. ولاردى تاراز قالاسىنداعى قر ۇۇ “بٷركٸت” ارنايى ماقساتتاعى بٶلٸنٸس جەنە پد ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ قۇرىقتاعان.
"وقيعا ورنىندا جامبىل وبلىسىنىڭ اۋماعىندا سينتەتيكالىق ەسٸرتكٸلەردٸ ٶتكٸزۋ جەنە تاراتۋعا قاتىستى حابارلاما جازبالار جازىلعان تەلەفوندار تەركٸلەندٸ. سونداي-اق ساراپتاما نەتيجەلەرٸنە سەيكەس, جالپى سالماعى 608,17 گرامم مەفەدرون تەركٸلەندٸ" - دەلٸنگەن حابارلامادا.
تٸنتۋ بارىسىندا ۇستالعان 22 جاستاعى ازاماتتان دا 33,56 گرامم مەفەدرون تابىلعان.
"ۇستالعان ازاماتتار كٸنەسٸن مويىنداپ, تاراز قالاسىنىڭ ۋاقىتشا ۇستاۋ يزولياتورىنا قاماققا الىندى. قازٸرگٸ ۋاقىتتا وسى دەرەككە قاتىستى قازاقستان رەسپۋبليكاسى قىلمىستىق كودەكسٸنٸڭ 297-بابى 3-بٶلٸگٸ (اسا ٸرٸ مٶلشەردە ەسٸرتكٸ زاتتارىن ٶتكٸزۋ ماقساتىندا زاڭسىز ساقتاۋ) بويىنشا سوتقا دەيٸنگٸ تەرگەپ-تەكسەرۋ امالدارى باستالدى. بۇل باپ بويىنشا مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا قاراستىرىلادى", – دەيدٸ پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى ەلٸم باجىقباەۆ.
