Foto: Polisia.kz
Jambyl oblysynda er adamdy bopsalaǵan kúdiktiler ustaldy, – dep habarlaidy Polisia.kz.
Portal málimetinshe, 6 jeltoqsanda oblys ortalyǵynyń 26 jastaǵy turǵyny Taraz qalasynyń Politsiia basqarmasyna bopsalaý týraly shaǵymdanǵan. Ol apta saiyn eki azamattyń áshkereleýshi aqparatty jariialamaý úshin qorqytý arqyly 300 myń teńge kóleminde aqsha bopsalap alyp turatynyn jetkizgen. Jábirlenýshiden barlyǵy 2 mln teńge kóleminde aqsha talap etken.
"Jambyl oblysy Politsiia departamenti Uiymdasqan qylmysqa qarsy kúres basqarmasynyń qyzmetkerlerimen júrgizilgen jedel-izdestirý jumystarynyń nátijesinde aryzdanýshydan kezekti ret 200 myń teńge kólemindegi qarajatty alý kezinde 28 jáne 29 jastaǵy jergilikti turǵyndar anyqtalyp, ustaldy.
Osy derekke qatysty Qazaqstan Respýblikasy Qylmystyq kodeksiniń 194-baby 2-bóligimen (Qorqytyp alý) sotqa deiingi tergeý amaldary bastaldy. Zattai dáleldemeler tárkilendi. Ustalǵandar kinálaryn tolyq moiyndady" - delingen habarlamada.
29 jastaǵy kúdikti Taraz qalasynyń ýaqytsha ustaý izoliatoryna qamaýǵa alynǵan. Al, onyń seriktesine qatysty eshqaida ketpeý týraly bultartpaý sharasy qoldanyldy. Kúdiktilerdiń buryn qylmystyq jaýapkershilikke tartylǵany anyqtaldy. Qazirgi ýaqytta barlyq qajetti tergeý is-sharalary júrgizilip jatyr.
