فوتو: Polisia.kz
جامبىل وبلىسىندا ەر ادامدى بوپسالاعان كٷدٸكتٸلەر ۇستالدى, – دەپ حابارلايدى Polisia.kz.
پورتال مەلٸمەتٸنشە, 6 جەلتوقساندا وبلىس ورتالىعىنىڭ 26 جاستاعى تۇرعىنى تاراز قالاسىنىڭ پوليتسييا باسقارماسىنا بوپسالاۋ تۋرالى شاعىمدانعان. ول اپتا سايىن ەكٸ ازاماتتىڭ ەشكەرەلەۋشٸ اقپاراتتى جارييالاماۋ ٷشٸن قورقىتۋ ارقىلى 300 مىڭ تەڭگە كٶلەمٸندە اقشا بوپسالاپ الىپ تۇراتىنىن جەتكٸزگەن. جەبٸرلەنۋشٸدەن بارلىعى 2 ملن تەڭگە كٶلەمٸندە اقشا تالاپ ەتكەن.
"جامبىل وبلىسى پوليتسييا دەپارتامەنتٸ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸمەن جٷرگٸزٸلگەن جەدەل-ٸزدەستٸرۋ جۇمىستارىنىڭ نەتيجەسٸندە ارىزدانۋشىدان كەزەكتٸ رەت 200 مىڭ تەڭگە كٶلەمٸندەگٸ قاراجاتتى الۋ كەزٸندە 28 جەنە 29 جاستاعى جەرگٸلٸكتٸ تۇرعىندار انىقتالىپ, ۇستالدى.
وسى دەرەككە قاتىستى قازاقستان رەسپۋبليكاسى قىلمىستىق كودەكسٸنٸڭ 194-بابى 2-بٶلٸگٸمەن (قورقىتىپ الۋ) سوتقا دەيٸنگٸ تەرگەۋ امالدارى باستالدى. زاتتاي دەلەلدەمەلەر تەركٸلەندٸ. ۇستالعاندار كٸنەلارىن تولىق مويىندادى" - دەلٸنگەن حابارلامادا.
29 جاستاعى كٷدٸكتٸ تاراز قالاسىنىڭ ۋاقىتشا ۇستاۋ يزولياتورىنا قاماۋعا الىنعان. ال, ونىڭ سەرٸكتەسٸنە قاتىستى ەشقايدا كەتپەۋ تۋرالى بۇلتارتپاۋ شاراسى قولدانىلدى. كٷدٸكتٸلەردٸڭ بۇرىن قىلمىستىق جاۋاپكەرشٸلٸككە تارتىلعانى انىقتالدى. قازٸرگٸ ۋاقىتتا بارلىق قاجەتتٸ تەرگەۋ ٸس-شارالارى جٷرگٸزٸلٸپ جاتىر.
