Foto:polisia.kz
Jambyl oblysynda prokýratýranyń úilestirýimen politsiia departamentiniń ekstremizmge qarsy kúres bólinisi UQK-men birlesip, dini radikaldar tobynyń 11 múshesin ustady, – dep habarlaidy Ult.kz Polisia.kz-ke silteme jasap.
Olar áleýmettik jelilerde ózge din ókilderiniń sezimderin qorlaityn, óz dindesteriniń ústemdigin jáne ózge senimdegilerdiń tómendigin nasihattaityn aýdio jáne videomaterialdardy, sonyń ishinde sheteldik radikaldy ýaǵyzshylardyń dáristerin taratqan.
Atalǵan materialdardyń keibiri buryn sot sheshimimen dini alaýyzdyqty qozdyratyn aqparat retinde tanylyp, Qazaqstan Respýblikasynyń aýmaǵynda taratýǵa tyiym salynǵan.
Turǵylyqty jerlerin tintý barysynda túrli dini mazmundaǵy materialdar men basqa da aiǵaq zattar tárkilendi.
Saraptama nátijesinde osy materialdardan dini alaýyzdyqty nasihattaý belgileri anyqtaldy.
Toptyń jetekshileri men belsendi músheleriniń tórteýi ýaqytsha ustaý izoliatoryna qamaldy, qalǵandary qylmystyń kýágerleri retinde kinálaryn moiyndady.
Top bolyp qasaqana dini alaýyzdyqty qozdyrý belgileri boiynsha sotqa deiingi tergeý júrgizilip jatyr.
