Búgin Úkimet otyrysynda Jambyl oblysynyń ákimi Berdibek Saparbaev óńirde jańartylatyn energiia salasyndaǵy jobalar týraly aitty, dep habarlaidy "Ult aqparat".
«Óńirde jańartylatyn energiia kózderin damytý jumystary Qazaqstan Respýblikasynyń «Jasyl ekonomikaǵa» kóshý jónindegi tujyrymdamasyna sáikes josparly túrde júzege asyrylyp keledi. Qazirgi kezde oblysta jańartylatyn energiia kózderimen 16 nysan ainalysady. Onyń beseýi sý elektr stantsiiasy, altaýy jel elektr stantsiiasy jáne beseýi kún elektr stantsiiasyna tiesili. Ótken jyly barlyǵy 318,4 MVt energiia kózin qamtydy. Qazirgi ýaqytta bul respýblikalyq kórsetkishtiń shamamen 20 paiyzyn qurap otyr», - dedi oblys ákimi.
Onyń aitýynsha, jalpy 2020 jyly oblysta 2,5 mlrd kVtsaǵ elektr energiiasy óndirilse, onyń 24 paiyzy jańartylatyn energiia kózderi arqyly óndirilgen. 2019 jylmen salystyrǵanda, 2020 jańartylatyn energiia kózderi 47 paiyzǵa ósti.
«Qazirgi kezde óńirde 4 nysannyń qurylysy júrip jatyr. Olardyń múmkindigi qosymsha 96,7 MVt energiia qýatyn beredi. Sonyń ekeýi jel jáne qalǵan ekeýi sý elektr stantsiiasy. Biyl osylardyń jartysy iske qosylsa, qalǵany aldaǵy jyly paidalanýǵa beriledi», - dedi B. Saparbaev.
Nátijesinde, 2022 jyly óńirde jańartylatyn energiia kózderi arqyly óndiriletin elektr energiiasy 415,1 MVt-qa jetkiziletin bolady.
«Jospar boiynsha 2025 jylǵa deiin qosymsha taǵy 4 stantsiiany iske qosýdy josparǵa engizdik. Sonda qosymsha 218 MVt energiiany óndiretin bolamyz. Tartylatyn investitsiia 96 mlrd teńgeniń quraidy. Qosymsha 845 jumys orny ashylady», - dedi óńir ákimi.
