Jambyl oblysynda eki zańsyz maining fermalary anyqtaldy. Bul týraly QR Qarjylyq monitoring agenttiginen málim etti, dep habarlaidy QazAqparat.
QR Qarjylyq monitoring agenttigi Jambyl oblysy boiynsha aýmaqtyq departamentiniń qyzmetkerleri QR Ulttyq qaýipsizdik komiteti QR Energetika ministrligi Atomdyq jáne energetikalyq qadaǵalaý men baqylaý komitetiniń qyzmetkerlerimen birlesip jedel-izdestirý is-sharalaryn júrgizý barasynda eki zańsyz maining fermalaryn anyqtady. Olardyn bireýi Tehnikalyq jóndeý ortalyǵynyń ǵimaratynda uiymdastyrylǵan jáne elektrmen jabdyqtaý jelilerine tehnologiialyq bailanysty saqtamai qosylǵan.
«Tintý is-sharalaryn júrgizý barysynda kriptovaliýtalardy óndirýge arnalǵan 80-nen astam jabdyq tabylyp, tárkilendi.
Quqyqqa qaishy qyzmetti júzege asyrýdan túsken kiris somasy 30 mln teńgeden astam qarjyny quraidy.
Ekinshi ferma JShS aýmaǵynda ornalasqan, basshysy shetel azamaty. Ekinshi fermanyń kiris somasy 60 mln teńgeden astam qarjyny quraidy.
Qazirgi ýaqytta, QR QK-niń 214-baby (zańsyz kásipkerlik qyzmet) boiynsha sotqa deiingi tergeý amaldary júrgizilýde.
QR QPK-niń 201-babyna sáikes ózge aqparat jariia etýge jatpaidy», - delingen Qarjylyq monitoring agenttiginiń málimetinde.
