Jambyl oblysynda koronavirýspen kúres sharalaryna 5 milliardtan astam teńge bólindi.
Aimaq basshysy Berdibek Saparbaev halyqqa esep berý kezdesýinde qaralǵan biýdjet qarajaty qaida baǵyttalǵanyn aityp berdi, dep habarlaidy "Ult aqparat".
Qarjylyq qoldaýdyń arqasynda densaýlyq saqtaý salasynyń materialdyq-tehnikalyq bazasyn edáýir jaqsartýǵa múmkindik týdy. Atap aitsaq, 208 dana qajetti meditsinalyq jabdyq satyp alyndy. Nátijesinde meditsinalyq mekemelerdiń tehnikamen jáne buiymdarmen jabdyqtalý deńgeii 15 paiyzǵa artyp, 85,9 paiyzdy qurady.
Memleket basshysy Qasym-Jomart Toqaevtyń tapsyrmasyna sáikes 8 mobildi emhana satyp alyndy, bul dárigerlerdiń naýqastarǵa kelýin jedeldetýge, aýyldyq jerlerdegi meditsinalyq kómektiń sapasyn jaqsartýǵa múmkindik beredi.
Koronavirýspen kúreske tartylǵan 4 myńǵa jýyq meditsina qyzmetkerine jalpy somasy 3,4 milliard teńge ústemaqy tólendi.
4,5 myń orynǵa arnalǵan tósek orny daiyndaldy. Taraz qalasyndaǵy qalalyq perinataldyq ortalyq pen T.Rysqulov aýdanyndaǵy ókpe aýrýlary dispanseri infektsiialyq aýrýhana bolyp qaita jasaqtaldy.
Turaqtandyrý qory 730 million teńgege dári-dármekter men meditsinalyq maqsattaǵy buiymdardyń eki ailyq rezervin qalyptastyrdy.
«Ótken jyly Tarazda koronavirýs infektsiiamen aýyrǵan naýqastarǵa arnalǵan 120 tósektik elimizdegi alǵashqy ońaltý ortalyǵy ashyldy. Búgingi kúnge deiin onda 750-ge jýyq adam ońaltý kýrsynan ótti desek, onyń ishinde júzge jýyq meditsina qyzmetkeri bar», - dep atap ótti oblys ákimi.
Koronavirýsqa qarsy ujymdyq immýnitetti qalyptastyrý úshin vaktsinatsiia sharasymen oblystyń 18 jastan 64 jasqa deiingi 600 myńǵa jýyq turǵynyn qamtý kózdelýde.
«Jaqyn arada Qordai, Talas jáne T.Rysqulov aýdandary KT-apparattarymen qamtamasyz etiledi, biyl 200 tósektik onkologiialyq dispanserdiń qurylysyn aiaqtaý, oblys ortalyǵynda «Meiirim» meditsinalyq ortalyǵynyń, oblystyq kópbeiindi aýrýhananyń, Baizaq aýdanynda emhananyń jáne Qordai aýdandyq ortalyq aýrýhananyń qurylysyn bastaý josparlanýda», - dep habarlady Berdibek Saparbaev.
