جامبىل وبلىسىندا كوروناۆيرۋسپەن كٷرەس شارالارىنا 5 ميللياردتان استام تەڭگە بٶلٸندٸ.
ايماق باسشىسى بەردٸبەك ساپارباەۆ حالىققا ەسەپ بەرۋ كەزدەسۋٸندە قارالعان بيۋدجەت قاراجاتى قايدا باعىتتالعانىن ايتىپ بەردٸ, دەپ حابارلايدى "ۇلت اقپارات".
قارجىلىق قولداۋدىڭ ارقاسىندا دەنساۋلىق ساقتاۋ سالاسىنىڭ ماتەريالدىق-تەحنيكالىق بازاسىن ەدەۋٸر جاقسارتۋعا مٷمكٸندٸك تۋدى. اتاپ ايتساق, 208 دانا قاجەتتٸ مەديتسينالىق جابدىق ساتىپ الىندى. نەتيجەسٸندە مەديتسينالىق مەكەمەلەردٸڭ تەحنيكامەن جەنە بۇيىمدارمەن جابدىقتالۋ دەڭگەيٸ 15 پايىزعا ارتىپ, 85,9 پايىزدى قۇرادى.
مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس 8 موبيلدٸ ەمحانا ساتىپ الىندى, بۇل دەرٸگەرلەردٸڭ ناۋقاستارعا كەلۋٸن جەدەلدەتۋگە, اۋىلدىق جەرلەردەگٸ مەديتسينالىق كٶمەكتٸڭ ساپاسىن جاقسارتۋعا مٷمكٸندٸك بەرەدٸ.
كوروناۆيرۋسپەن كٷرەسكە تارتىلعان 4 مىڭعا جۋىق مەديتسينا قىزمەتكەرٸنە جالپى سوماسى 3,4 ميلليارد تەڭگە ٷستەماقى تٶلەندٸ.
4,5 مىڭ ورىنعا ارنالعان تٶسەك ورنى دايىندالدى. تاراز قالاسىنداعى قالالىق پەريناتالدىق ورتالىق پەن ت.رىسقۇلوۆ اۋدانىنداعى ٶكپە اۋرۋلارى ديسپانسەرٸ ينفەكتسييالىق اۋرۋحانا بولىپ قايتا جاساقتالدى.
تۇراقتاندىرۋ قورى 730 ميلليون تەڭگەگە دەرٸ-دەرمەكتەر مەن مەديتسينالىق ماقساتتاعى بۇيىمداردىڭ ەكٸ ايلىق رەزەرۆٸن قالىپتاستىردى.
«ٶتكەن جىلى تارازدا كوروناۆيرۋس ينفەكتسييامەن اۋىرعان ناۋقاستارعا ارنالعان 120 تٶسەكتٸك ەلٸمٸزدەگٸ العاشقى وڭالتۋ ورتالىعى اشىلدى. بٷگٸنگٸ كٷنگە دەيٸن وندا 750-گە جۋىق ادام وڭالتۋ كۋرسىنان ٶتتٸ دەسەك, ونىڭ ٸشٸندە جٷزگە جۋىق مەديتسينا قىزمەتكەرٸ بار», - دەپ اتاپ ٶتتٸ وبلىس ەكٸمٸ.
كوروناۆيرۋسقا قارسى ۇجىمدىق يممۋنيتەتتٸ قالىپتاستىرۋ ٷشٸن ۆاكتسيناتسييا شاراسىمەن وبلىستىڭ 18 جاستان 64 جاسقا دەيٸنگٸ 600 مىڭعا جۋىق تۇرعىنىن قامتۋ كٶزدەلۋدە.
«جاقىن ارادا قورداي, تالاس جەنە ت.رىسقۇلوۆ اۋداندارى كت-اپپاراتتارىمەن قامتاماسىز ەتٸلەدٸ, بيىل 200 تٶسەكتٸك ونكولوگييالىق ديسپانسەردٸڭ قۇرىلىسىن اياقتاۋ, وبلىس ورتالىعىندا «مەيٸرٸم» مەديتسينالىق ورتالىعىنىڭ, وبلىستىق كٶپبەيٸندٸ اۋرۋحانانىڭ, بايزاق اۋدانىندا ەمحانانىڭ جەنە قورداي اۋداندىق ورتالىق اۋرۋحانانىڭ قۇرىلىسىن باستاۋ جوسپارلانۋدا», - دەپ حابارلادى بەردٸبەك ساپارباەۆ.
