Foto: Videodan skrinshot
«Qarasora-2025» jedel-profilaktikalyq is-sharasy barysynda Jambyl oblysy Politsiia departamentiniń Esirtki qylmysyna qarsy is-qimyl basqarmasy qyzmetkerleri, QR Ishki ister ministrligi Esirtki qylmysyna qarsy is-qimyl komitetiniń úilestirýimen jáne Ulttyq ulannyń №5514 áskeri bóliminiń áskeri qyzmetshileriniń qatysýymen Shý aýdanynyń qumǵa jaqyn aimaǵynda jedel aqparatty júzege asyrý kezinde eki jergilikti turǵyndy ustady, dep habarlaidy Ult.kz.
Jerdi qaraý barysynda ishinde erekshe iisi bar ósimdik tektes zattar saqtalǵan shatyr tabylyp, tárkilendi.
Sot-himiialyq saraptama qorytyndysyna sáikes, tárkilengen zat jalpy salmaǵy 206 keli 220 gramm keptirilgen marihýana bolyp shyqty.
Atalǵan derek boiynsha QR Qylmystyq kodeksiniń 297-baby 3-bóligine (esirtki quraldaryn, psihotroptyq zattardy, olardyń analogtaryn ótkizý maqsatynda zańsyz alý, saqtaý, tasymaldaý, jóneltý ne ótkizý) sáikes sotqa deiingi tergep-tekserý bastaldy.
Ustalǵandar ýaqytsha ustaý izoliatoryna qamaldy. Tergeý amaldary júrgizilýde.
