Foto: ashyq derekkóz
Jambyl oblysynda prokýrorlar 100 mln teńgeden astam memlekettik qarajattyń jymqyrylý faktisin áshkereledi. Bul týraly oblystyq prokýratýra málimdedi, dep habarlaidy Ult.kz.
Merki aýdany prokýratýrasy aýdandyq ákimdiktiń sáýlet, qala qurylysy jáne qurylys bólimi tarapynan biýdjet qarajatynyń jumsalýyna taldaý júrgizgen. Nátijesinde memleketke 108 mln teńge kóleminde zalal keltirilgeni anyqtalǵan.
Anyqtalǵandai, atalǵan bólim Mynqazan aýylyndaǵy turǵyn úi massivine elektr jelilerin tartý qurylysy boiynsha is júzinde oryndalmaǵan jumystar úshin merdiger uiymǵa qarajat aýdarǵan.
Osy derekke bailanysty 2026 jylǵy 30 naýryzda Qylmystyq kodekstiń 189-baby 4-bóligi 2-tarmaǵy boiynsha sotqa deiingi tergep-tekserý bastaldy. Is ári qarai tergeý júrgizý úshin UQK-niń Jambyl oblysy boiynsha departamentine joldanǵan.
Qazirgi ýaqytta tergeý amaldary júrgizilip jatyr. Qylmystyq-protsestik kodekstiń 201-babyna sáikes ózge aqparat jariia etilmeidi.
