Memleket basshysynyń Jarlyǵymen Asqar Isabekuly Myrzahmetov Jambyl oblysynyń ákimi bolyp taǵaiyndaldy, dep habarlaidy "Ult aqparat".
Asqar Isabekuly Myrzahmetov - 1962 jyly 1 qazanda Shymkent qalasynda dúniege kelgen. Aýyl sharýashylyǵy jáne ekonomika mamandyqtary boiynsha bilim alǵan.
Ol Almaty zooveterinarlyq institýtyn (1984); Búkilodaqtyq mal sharýashylyǵy ǵylymi-zertteý institýtynyń aspirantýrasyn (Máskeý, 1988); Qazaq menedjment jáne marketing institýtyn (Almaty, 1997) bitirgen. Aýylsharýashylyq ǵylymdarynyń kandidaty (1988). «Nur Otan» HDP múshesi.
1988 jyldan - BAAShǴZZ Shyǵys bólimshesi júiesinde kishi ǵylymi qyzmetker, aǵa ǵylymi qyzmetker;
1991 jyldan - «Qazaqstan» respýblikalyq birjasy» AQ vitse-prezidenti;
1994 jyldan - «TASMO» investitsiialyq kommertsiialyq ortalyǵynyń bas direktory;
1995 jyldan - «Agro-Lizing» AQ bas direktory;
1997 jyldan 2006 jyldyń qańtaryna deiin Qazaqstan Premer-ministriniń keńesshisi, Qazaqstan Respýblikasy aýyl sharýashylyǵy vitse-ministri, birinshi vitse-ministri jáne aýyl sharýashylyǵy ministri laýazymdarynda qyzmetter atqarǵan.
2006 jyldyń sáýirinen 2007 jyldyń qyrkúiegi arasynda Qazaqstan Respýblikasynyń Ózbekstan Respýblikasyndaǵy Tótenshe jáne ókiletti elshisi;
2007 jyldyń qyrkúieginen 2009 jyldyń naýryzy aralyǵynda – «Ońtústik» Áleýmettik kásipkerlik korporatsiiasy» Ulttyq kompaniiasy» AQ basqarmasynyń tóraǵasy;
2009 jylǵy naýryzdan 2015 jylǵy tamyzǵa deiin - Ońtústik Qazaqstan oblysynyń ákimi;
2015 jylǵy tamyzdan bastap 2016 jyldyń mamyryna deiin – «Nur Otan» partiiasy tóraǵasynyń birinshi orynbasary bolyp jumys jasaǵan.
2016 jyldyń mamyrynan – QR aýyl sharýashylyǵy ministri;
2016 jyldyń maýsymynda Memleket basshysynyń Jarlyǵymen Premer-ministrdiń orynbasary qyzmetine taǵaiyndaldy (QR Premer-ministriniń orynbasary – QR Aýyl sharýashylyǵy ministri boldy).
Eske salaiyq, 2017 jyly jeltoqsanda Asqar Myrzahmetov QR premer-ministriniń orynbasary jáne Aýyl sharýashylyǵy ministri qyzmetinen bosatylǵan edi.
Al, osyǵan deiin oblys ákimi qyzmetinde 2013 jyldyń jeltoqsan aiynan bastap Kókirekbaev Kárim Nasbekuly bolǵan.
