Tarazda Jambyl oblysy Politsiia departamentiniń basshysy, general Janat Súleimenovtiń ólimi rastaldy, - dep habarlaidy Tengrinews.kz.
Jambyl oblysy Politsiia departamentiniń baspasóz qyzmeti bul aqparatty rastady.
"Janat Súleimenov qaitys bolǵany ras. Biraq qandai jaǵdaida qaitys bolǵany anyqtalyp jatyr", - dep habarlady PD baspasóz qyzmeti.
Ishki ister ministrliginiń málimetinshe, is boiynsha sotaldy tergeý júrip jatyr. Istiń mán-jaiy anyqtalyp jatyr.
Janat Súleimenov 1962 jyly dúniege kelgen, ishki ister organdarynda 1980 jyldan bastap qyzmet etedi. Túrli jyldary esirtki biznesine qarsy kúres jónindegi komitetterdi, kriminaldyq politsiiany, kóliktegi politsiia departamentterin, sondai-aq Qyzylorda jáne Ońtústik Qazaqstan oblystarynyń Politsiia departamentin basqardy. 2017-2019 jyldary Ishki ister ministriniń birinshi orynbasary qyzmetin atqardy.
Jambyl oblysy politsiia departamentiniń bastyǵy laýazymyna Janat Súleimenov 2020 jyldyń aqpan aiynda Qordai aýdanyndaǵy oqiǵalardan keiin taǵaiyndalǵan edi.
