QR Prezidenti Ákimshiliginiń kelisimi boiynsha Jambyl oblysy ákiminiń orynbasary bolyp Almas Mádiev taǵaiyndaldy, dep habarlaidy "Ult aqparat".
A.Mádiev kásipkerlik jáne indýstriialyq damý, áleýmettik qorǵaý, jumyspen qamtý, eńbekti qorǵaý, tabiǵi resýrstar salalaryna basshylyq etetin bolady.
Eske sala keteiik, buǵan deiin bul qyzmetti kúni keshe Shý aýdanynyń ákimi bolyp taǵaiyndalǵan Nurjan Kalenderov atqaryp kelgen bolatyn.
Almas Óskenbaiuly Mádiev 1972 jyly Jambyl oblysynda dúniege kelgen. Jambyl jeńil jáne tamaq ónerkásibi tehnologiialyq institýtyn «Injener-ekonomist», 2000 jyly Q. A. Iassaýi atyndaǵy Halyqaralyq Qazaq - Túrik ýniversitetin «Quqyqtaný»mamandyǵy boiynsha bitirgen.
Eńbek jolyn 1994 jyly Jambyl tehnologiialyq institýtynyń oqytýshysy bolyp bastaǵan. Ár jyldary Jambyl oblysy ákiminiń kómekshisi, Jambyl oblysy ákimdiginiń ekonomika jáne biýdjettik josparlaý basqarmasynyń jetekshi mamany, Jambyl oblysy ákimi apparatynyń qarjy jáne áleýmettik qorǵaý bóliminiń meńgerýshisi, Jambyl oblysy ákimdiginiń ekonomika jáne biýdjettik josparlaý, kásipkerlik jáne ónerkásip basqarmalarynyń bastyǵy qyzmetterin atqardy.
2009-2014 jyldary - «Ońtústik «ÁKK «UK» AQ qarjy direktory, basqarýshy direktory, Basqarma tóraǵasynyń orynbasary, «Qazaqstannyń investitsiialyq qory» AQ qarjy departamentiniń direktory, «Pavlodar «ÁKK« UK»AQ Basqarma tóraǵasy.
2014-2017 jyldary-Jambyl oblysy ákimdiginiń kásipkerlik jáne indýstrialdy-innovatsiialyq damý basqarmasynyń basshysy, Almaty qalasy Kásipkerlik jáne indýstrialdy-innovatsiialyq damý basqarmasynyń basshysy.
2017 jylǵy qyrkúiekten 2019 jylǵy aqpanǵa deiin - Almaty qalasy ákiminiń orynbasary, 2019 jylǵy aqpannan bastap shildege deiin - «Almaty» ÁKK AQ Basqarma tóraǵasy qyzmetterin atqarǵan.
2020 jylǵy aqpannan qazirgi ýaqytqa deiin - Jambyl oblysy ákimi apparatynyń basshysy bolyp keldi.
