«Nur Otan» partiiasynyń oblystyq filialynda jańa shaqyrylǵan oblystyq máslihattaǵy partiia fraktsiiasynyń alǵashqy otyrysy ótti, - dep habarlaidy "Ult aqparat".
Jiyndy partiianyń Jambyl oblystyq filialynyń tóraǵasy, oblys ákimi Berdibek Saparbaev ashyp, júrgizip otyrdy. Bul týraly partiia filialynyń baspasóz qyzmeti habarlady.
Bul joly sailanbaly organnyń 36 depýtatynyń 30-y «Nur Otan» partiiasynan sailandy. Al, 3-i «Aýyl» HDPP, 3-i «Aqjol» QDP-nan ekenin atap ótken jón. Partiia oblystyq filialynyń tóraǵasy oblystyq máslihattaǵy depýtattardyń sapalyq quramyna da toqtalyp ótti. Sondai-aq, aimaq basshysy oblystyq máslihattyń quramy 76,7 paiyzǵa jańarǵanyn tilge tiek etti.
Bul shaqyrylymdaǵy «Nur Otan» partiiasy depýtattarynyń ishinde áielder men jastardyń úlesi 40 paiyzǵa deiin ósken. Depýtattardyń 43,3 paiyzy biznes, ónerkásip jáne aýyl sharýashylyǵy syndy ekonomikanyń naqty salalarynyń ókilderinen turady. Oblystyq máslihattaǵy «Nur Otan» partiiasynan sailanǵan depýtattyq korpýs toǵyz ulttyń ókilinen jasaqtaldy. Olardyń qatarynda kópbalaly analar, múmkindigi shekteýli jandar da bar. Máslihattaǵy depýtattardyń ortasha jasy 60-tan 48 jasqa deiin tómendedi.
Fraktsiia otyrysynyń kúntártibine sai partiia oblystyq filialy Saiasi keńesi biýrosynyń sheshimimen oblystyq máslihattaǵy «Nur Otan» partiiasynyń fraktsiia jetekshisi taǵaiyndaldy. Bul qyzmetti «QazFosfat» jaýapkershiligi shekteýli seriktestiginiń direktory, Eńbek Eri Muqash Eskendirov atqarady. Munan ózge Farida Júnisova, Gýlam Ýmarov jáne Arman Edilbaev syndy depýttatar oblystyq máslihattaǵy turaqty komissiialarǵa jetekshilik etpek.
