Sybailas jemqorlyqqa qarsy is-qimyl agenttiginiń Jambyl oblysy boiynsha Departamenti «Qazposhta» AQ Jambyl oblystyq filialy basshysynyń para alý faktisin anyqtady, dep habarlaidy vedomstvonyń baspasóz qyzmeti.
Baspasóz málimetterine qaraǵanda, oǵan bólim basshysy arqyly jeke tulǵany jumysqa ornalastyrýǵa kómek bergeni úshin 250 myń somasynda para aldy degen kúdik keltirilip otyr.
«Kinásin tolyq moiyndaýyna bailanysty kúdiktilerge qatysty protsessýaldyq ustaý qoldanylǵan joq. Tergeý jalǵasýda. Kinálilik dárejesin anyqtaý arqyly kúdiktilerge qatysty sońǵy úkimdi sot shyǵarady»,-delingen habarlamada.
