Prezidentikke úmitker Jambyl Ahmetbekovtyń Shymkent qalalyq sailaýaldy shtabynyń jetekshisi Nurlan Qadyrqulov jáne partiia komitetiniń belsendileri Indýstrialdy-tehnikalyq kolledjde stýdent jastarmen kezdesti. Bul týraly Qazaqstannyń kommýnistik halyq partiiasynyń baspasóz qyzmeti habarlady.
Nurlan Qadyrqulov jastarǵa QKHP-nyń sailaýaldy tuǵyrnamasyn túsindirdi. Ol partiia ustanymynyń mańyzyna toqtalyp, kommýnistik tárbieniń negizgi tetikterin atap ótti. Sonymen qatar, partiianyń teris qundylyqtarǵa qarsy jumystaryn tilge tiek etti.
Sondai-aq qazirgi tańda jastardyń memleket taǵdyryna alańdaýshylyǵy báseń ekenin, olardyń túrli oqiǵalarǵa beijai qaraýy beleń alyp bara jatqanyn baiandady. QKHP ókili bul jaǵdaidy túzetýge barynsha atsalysatynyn jetkizdi. Sonymen birge, qalalyq shtab jetekshisi qazirgi jastardyń tárbiesine, JOO túlekteriniń eńbek naryǵyndaǵy jumyssyzdyq máselesine de toqtaldy.
«Bul máselelerdi sheshý úshin jańa tásil qajet, qoǵamnyń zamanaýi talaptaryna súiený kerek» dedi ol.
Nurlan Qadyrqulov jastardyń ózin-ózi tanytýyna múmkindik jasaý - QKHP basty basymdyqtarynyń biri ekenin atap ótti. QKHP úmitkeri óziniń sailaýaldy baǵdarlamasynda jastar úshin alǵashqy kepildengen jumys ornyn engizýdi talap etetinin aitty.
Jiynǵa qatysqan jastar salaýatty ómir salty, shákirtaqynyń kólemi, jastardyń bos ýaqytyn uiymdastyrýǵa qatysty máselelerdi kóterdi.
Jiyn sońynda shtab jetekshisi jinalǵan kópshilikke alǵys aityp, jastardy prezident sailaýyna qatysýǵa shaqyrdy.
