پرەزيدەنتٸككە ٷمٸتكەر جامبىل احمەتبەكوۆتىڭ شىمكەنت قالالىق سايلاۋالدى شتابىنىڭ جەتەكشٸسٸ نۇرلان قادىرقۇلوۆ جەنە پارتييا كوميتەتٸنٸڭ بەلسەندٸلەرٸ يندۋستريالدى-تەحنيكالىق كوللەدجدە ستۋدەنت جاستارمەن كەزدەستٸ. بۇل تۋرالى قازاقستاننىڭ كوممۋنيستٸك حالىق پارتيياسىنىڭ باسپاسٶز قىزمەتٸ حابارلادى.
نۇرلان قادىرقۇلوۆ جاستارعا قكحپ-نىڭ سايلاۋالدى تۇعىرناماسىن تٷسٸندٸردٸ. ول پارتييا ۇستانىمىنىڭ ماڭىزىنا توقتالىپ, كوممۋنيستٸك تەربيەنٸڭ نەگٸزگٸ تەتٸكتەرٸن اتاپ ٶتتٸ. سونىمەن قاتار, پارتييانىڭ تەرٸس قۇندىلىقتارعا قارسى جۇمىستارىن تٸلگە تيەك ەتتٸ.
سونداي-اق قازٸرگٸ تاڭدا جاستاردىڭ مەملەكەت تاعدىرىنا الاڭداۋشىلىعى بەسەڭ ەكەنٸن, ولاردىڭ تٷرلٸ وقيعالارعا بەيجاي قاراۋى بەلەڭ الىپ بارا جاتقانىن باياندادى. قكحپ ٶكٸلٸ بۇل جاعدايدى تٷزەتۋگە بارىنشا اتسالىساتىنىن جەتكٸزدٸ. سونىمەن بٸرگە, قالالىق شتاب جەتەكشٸسٸ قازٸرگٸ جاستاردىڭ تەربيەسٸنە, جوو تٷلەكتەرٸنٸڭ ەڭبەك نارىعىنداعى جۇمىسسىزدىق مەسەلەسٸنە دە توقتالدى.
«بۇل مەسەلەلەردٸ شەشۋ ٷشٸن جاڭا تەسٸل قاجەت, قوعامنىڭ زاماناۋي تالاپتارىنا سٷيەنۋ كەرەك» دەدٸ ول.
نۇرلان قادىرقۇلوۆ جاستاردىڭ ٶزٸن-ٶزٸ تانىتۋىنا مٷمكٸندٸك جاساۋ - قكحپ باستى باسىمدىقتارىنىڭ بٸرٸ ەكەنٸن اتاپ ٶتتٸ. قكحپ ٷمٸتكەرٸ ٶزٸنٸڭ سايلاۋالدى باعدارلاماسىندا جاستار ٷشٸن العاشقى كەپٸلدەنگەن جۇمىس ورنىن ەنگٸزۋدٸ تالاپ ەتەتٸنٸن ايتتى.
جيىنعا قاتىسقان جاستار سالاۋاتتى ٶمٸر سالتى, شەكٸرتاقىنىڭ كٶلەمٸ, جاستاردىڭ بوس ۋاقىتىن ۇيىمداستىرۋعا قاتىستى مەسەلەلەردٸ كٶتەردٸ.
جيىن سوڭىندا شتاب جەتەكشٸسٸ جينالعان كٶپشٸلٸككە العىس ايتىپ, جاستاردى پرەزيدەنت سايلاۋىنا قاتىسۋعا شاقىردى.
