Erulan Jamaýbaev premer-ministrdiń orynbasary - qarjy ministri bolyp taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Erulan Kenjebekuly Jamaýbaev Qazaqstan Respýblikasy premer-ministriniń orynbasary - qarjy ministri bolyp taǵaiyndalsyn, ol Qazaqstan Respýblikasynyń qarjy ministri laýazymynan bosatylsyn", - delingen habarlamada.
Erulan Jamaýbaev 1974 jyly 25 naýryzda Almaty oblysynda dúniege kelgen. Ol 1995 jyly Qazaq memlekettik basqarý akademiiasyn "Qarjy jáne kredit" mamandyǵy boiynsha bitirgen. Al 2009 jyly Qazaq ekonomikalyq ýniversitetin bitirgen. Ol - "iskerlik ákimshilendirý" magistri.
Jamaýbaev 1996-1998 jyldary Qazaq memlekettik basqarý akademiiasynyń oqytýshysy bolyp qyzmetin atqarǵan. 1998-2006 jyldary Ulttyq bank zertteýler jáne statistika departamenti jetekshi sarapshysy, bas sarapshysy, bas maman-sarapshysy, basqarma bastyǵy, direktor orynbasary sekildi qyzmetter atqarǵan.
2006-2014 jyldary Ulttyq banktiń Úilestirý departamentiniń direktory boldy. 2014-2015 jyldary "Qazaqstannyń turǵyn úi qurylys banki" AQ-nyń basqarýshy direktory qyzmetin atqardy. 2015 jylǵy shilde men qarasha aralyǵynda QR Prezidenti ákimshiliginiń áleýmettik-ekonomikalyq monitoring bólimi meńgerýshisiniń orynbasary boldy.
2015 jylǵy qarasha men 2018 jylǵy qarasha aralyǵynda Qazaqstan Respýblikasynyń Prezidenti Ákimshiliginiń áleýmettik-ekonomikalyq monitoring bóliminiń meńgerýshisi boldy. 2018 jylǵy qarasha men 2019 jylǵy naýryz aralyǵynda Prezidenttiń kómekshisi qyzmetine taǵaiyndaldy. Al 2019 jylǵy 22 naýryzda Qarjy ministrliginiń jaýapty hatshysy laýazymyna bekitildi.
Aita keteiik, 2020 jyly Erulan Jamaýbaev qarjy ministri bolyp taǵaiyndalǵan edi.
