Ulttyq bank tóraǵasynyń orynbasary Aqyljan Baimaǵambetov makroekonomikalyq jaǵdai týraly aitty, dep habarlaidy QazAqparat.
«Bazalyq stsenarii boiynsha ishki suranys pen eksporttyń tómendeýine bailanysty 2020 jyly jalpy ishki ónim 2-2,3% tómendeidi. Tutynýshylardyń suranysy qysqarady dep kútilýde.Pandemiiaǵa bailanysty halyqtyń aqshalai kirisi azaidy. Munai baǵasynyń tómendeýi, sondai-aq ekonomikalyq belsendiliktiń qysqarýy jáne TShO qurylysyndaǵy investitsiialyq belsendiliktiń báseńdeý negizgi faktorlar bolady», - dedi Aqyljan Baimaǵambetov.
Sonymen qatar, ol syrtqy suranystyń tómendeýine jáne OPEK + kelisimi boiynsha óndiris kóleminiń qysqarýyna bailanysty eksport teris dinamikany kórsetetinin atap ótti.
«Bizdiń jańartylǵan boljamymyzǵa sáikes, jyldyq infliatsiia 2020 jyldyń sońyna qarai 8% quraidy, iaǵni buryn jariialanǵan 8-8,5% aralyǵynda tómengi shekke jaqyn bolady. Infliatsiialyq protsester azyq-túlik baǵalarynyń úzdiksiz ósýine bailanysty. Sonymen qatar, aqyly qyzmetter baǵasynyń ósý múmkindigimen bailanysty infliatsiialyq táýekelderdiń paida bolý yqtimaldylyǵy bar. Desekte, halyqtyń naqty aqshalai kiristeriniń álsiz dinamikasy men álemdik azyq-túlik taýarlarynyń baǵasy tómendeidi dep kútilýde. Iaǵni, bul 2020 jyly infliatsiianyń ósýin shekteidi», - dedi Aqyljan Baimaǵambetov.
Onyń aitýynsha, 2021 jyldyń aiaǵynda infliatsiia birtindep baiaýlap, 4-6 %-dyq deńgeide turaqtanatynyn tilge tiek etti.
«Infliatsiianyń edáýir baiaýlaýy 2021 jyly respýblikalyq biýdjettiń joǵary tapshylyǵymen jáne 2020 jylǵa qaraǵanda syrtqy infliatsiialyq fonnyń shamaly ósýimen shekteledi», – dedi ol.
