Foto: TJM
Soltústik Qazaqstan oblysynda jeke turǵyn úide shyqqan órtti sóndirý kezinde kámeletke tolmaǵan balanyń máiiti tabyldy. Bul týraly Soltústik Qazaqstan oblysy TJD málimdedi, dep habarlaidy Ult.kz.
Oqiǵa 18 qańtar kúni keshki ýaqytta Aiyrtaý aýdanyndaǵy Olshanka aýylynda bolǵan. Qutqarýshylar shaqyrtý ornyna jetken sátte úidi órt tolyq sharpyp, shatyry opyrylyp túsken. Órtti sóndirý barysynda qutqarý qyzmetiniń qyzmetkerleri kámeletke tolmaǵan balanyń denesin anyqtaǵan.
Aldyn ala málimet boiynsha, órt peshpen jylytý kezinde órt qaýipsizdigi talaptarynyń buzylýynan shyqqan.
Qaza tapqan balanyń anasymen psihologtar jumys júrgizip jatyr.
Qazaqstan Media basylymynyń habarlaýynsha, aldyn ala derekke sáikes, eresekter pesh jaǵyp, qonaqqa ketken. Úide bes jasar qyz jalǵyz qalǵan, al esik syrtynan qulyptalǵan.
Oqiǵanyń mán-jaiy anyqtalyp jatyr.
