Foto: UQK baspasóz qyzmeti
Ulttyq qaýipsizdik komiteti Jambyl oblysynyń aýmaǵynda qarýdyń jáne jalǵan shetel valiýtasynyń zańsyz ainalymynyń jolyn kesýge baǵyttalǵan arnaiy operatsiia ótkizdi, - dep habarlaidy "Ult aqparat" vedomstvonyń baspasóz qyzmetine silteme jasap.
"Qylmystyq qarý men jalǵan AQSh dollaryn satýdyń jasyryn arnasy jumysyn jolǵa qoiǵan qylmystyq is-árekettiń uiymdastyrýshysy ustaldy.
Operatsiia aldynda uzaq ýaqyt jedel zerdeleý jumysy júrgizilip, atqysh qarý, oq-dári, sonymen qatar jalǵan amerikalyq banknottardy ákelýdiń turaqty qylmystyq júiesi anyqtaldy jáne qujattandy" - delingen habarlamada.
Qylmyskerlerdiń jasyrynǵany, zamanaýi tehnikalyq bailanys quraldaryn qoldanǵany olardyń áreketin áshkereleýde qiyndyq týdyrǵan. Kúdiktiniń zańǵa qaishy áreketi elimizdiń qoǵamdyq-ekonomikalyq qaýipsizdigine qater tóndirgen.
Vedomstvo málimetinshe, der kezinde qabyldanǵan sharalar nátijesinde qylmystyq biznes joiyldy.
Zańsyz ainalymnan 4 birlik qarý: "Kalashnikov" avtomatynyń jetildirilgen túrleri, tirkelmegen tegis uńǵyly myltyqtar, 450-den asa oq-dári jáne asa iri kólemde jalǵan AQSh dollary alynǵan.
Ustalǵan adam qylmysyn moiyndady jáne QR Qylmystyq-protsestik kodeksi 128-baby negizinde sot ruqsatymen 2 aiǵa tergeý izoliatoryna qamaldy. Jedel-tergeý is-sharalary jalǵasyp jatyr.
