فوتو: ۇقك باسپاسٶز قىزمەتٸ
ۇلتتىق قاۋٸپسٸزدٸك كوميتەتٸ جامبىل وبلىسىنىڭ اۋماعىندا قارۋدىڭ جەنە جالعان شەتەل ۆاليۋتاسىنىڭ زاڭسىز اينالىمىنىڭ جولىن كەسۋگە باعىتتالعان ارنايى وپەراتسييا ٶتكٸزدٸ, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"قىلمىستىق قارۋ مەن جالعان اقش دوللارىن ساتۋدىڭ جاسىرىن ارناسى جۇمىسىن جولعا قويعان قىلمىستىق ٸس-ەرەكەتتٸڭ ۇيىمداستىرۋشىسى ۇستالدى.
وپەراتسييا الدىندا ۇزاق ۋاقىت جەدەل زەردەلەۋ جۇمىسى جٷرگٸزٸلٸپ, اتقىش قارۋ, وق-دەرٸ, سونىمەن قاتار جالعان امەريكالىق بانكنوتتاردى ەكەلۋدٸڭ تۇراقتى قىلمىستىق جٷيەسٸ انىقتالدى جەنە قۇجاتتاندى" - دەلٸنگەن حابارلامادا.
قىلمىسكەرلەردٸڭ جاسىرىنعانى, زاماناۋي تەحنيكالىق بايلانىس قۇرالدارىن قولدانعانى ولاردىڭ ەرەكەتٸن ەشكەرەلەۋدە قيىندىق تۋدىرعان. كٷدٸكتٸنٸڭ زاڭعا قايشى ەرەكەتٸ ەلٸمٸزدٸڭ قوعامدىق-ەكونوميكالىق قاۋٸپسٸزدٸگٸنە قاتەر تٶندٸرگەن.
ۆەدومستۆو مەلٸمەتٸنشە, دەر كەزٸندە قابىلدانعان شارالار نەتيجەسٸندە قىلمىستىق بيزنەس جويىلدى.
زاڭسىز اينالىمنان 4 بٸرلٸك قارۋ: "كالاشنيكوۆ" اۆتوماتىنىڭ جەتٸلدٸرٸلگەن تٷرلەرٸ, تٸركەلمەگەن تەگٸس ۇڭعىلى مىلتىقتار, 450-دەن اسا وق-دەرٸ جەنە اسا ٸرٸ كٶلەمدە جالعان اقش دوللارى الىنعان.
ۇستالعان ادام قىلمىسىن مويىندادى جەنە قر قىلمىستىق-پروتسەستٸك كودەكسi 128-بابى نەگٸزٸندە سوت رۇقساتىمەن 2 ايعا تەرگەۋ يزولياتورىنا قامالدى. جەدەل-تەرگەۋ ٸس-شارالارى جالعاسىپ جاتىر.
