Nur-Sultan, Almaty men Shymkent qalalarynyń jastary jaldamaly páterge ie bolýy úshin qandai qujattardy ótkizýi tiis? Tolyqqandy qujattar tizimin Ortalyq kommýnikatsiialar qyzmetinde ótken baspasóz máslihatynda QR Aqparat jáne qoǵamdyq damý ministrligi Jastar jáne otbasy isteri komitetiniń tóraǵasy Madiiar Qojahmet aityp berdi, dep habarlaidy QazAqparat.
«Erejege sáikes, ótinish qabyldaý bastalǵannan keiin úmitkerler mynadai qujattardy tapsyrýy kerek: ótinish, jeke basyn kýálandyratyn qujattyń kóshirmesi, bilimi týraly qujattyń kóshirmesi, neke qiiý týraly qujattyń kóshirmesi (bar bolǵan jaǵdaida), balalarynyń týýy týraly kýáliktiń kóshirmesi (bar bolǵan jaǵdaida), ótinish berýshige jáne otbasynyń barlyq múshelerine jyljymaityn múliktiń bar-joǵy týraly anyqtama, jumys ornynan anyqtama, ótinish berýshiniń bank shotynyń bolýy jáne onyń nómiri týraly anyqtama, bank shoty boiynsha aqshanyń qaldyǵy men ai saiynǵy ainalymy týraly úzindi, ótinish berýshiniń túrli qyzmet salasyndaǵy jetistikterin rastaityn qujattar (bar bolǵan jaǵdaida)», - dedi Madiiar Qojahmet.
Qujattar qabyldanǵannan keiin ýákiletti organ onyń bárin tekserip, tolyqtyǵy men sáikestigin qaraidy.
«Osydan keiin upailarǵa sáikes sanaq júrgizilip, jaldamaly páter beriletin jastardyń tizimi bekitiledi. Bul tizimge upailardy esepteý kezinde ótinish berýshiniń kásibi, otbasylyq jaǵdaiy, jeke kásipkerlik qyzmeti, biýdjettik qyzmetterde jumys isteýi, shottarynyń jinaqtary eskeriledi. Baldary teń jaǵdaida ótinishti birinshi tapsyrǵan jastarǵa basymdyq beriledi. Sonymen birge, negizgi talaptardyń biri – jastar tabysy 40 AEK-ten tómen bolmaýy kerek. Mysaly, jaldamaly páter úshin jas jigit 10-12 myń, oǵan qosymsha kommýnaldyq shyǵyndar úshin taǵy 10-15 myń teńge tóledi delik. Onyń ailyǵy 110 myń teńge bolsa, iaǵni, ol jalaqysynyń jartysynyń jartysyn bankte bastapqa jarna retinde jinai alady», - dedi ol.
Sonymen qatar, komitet tóraǵasy jastarǵa beriletin jaldamaly páterler qandai jaǵdaida memleketke qaitarylatynyn aitty.
«Erejede bekitilgendei, jergilikti ákimshilik pen ótinish berýshi jaldamaly úi boiynsha 5 jylǵa kelisimshartqa otyrady. Kelisimsharttyń negizgi talaptary negizinen jumys isteý tártibine negizdelgen. Eger ótinish berýshini jumystan májbúrli túrde emes, arnaiy bosasa, páterdi qaita tapsyrý kerek bolady. Sol sekildi basqa qalaǵa kóshý jaǵdaiynda páterdi ótkizý kerek. Jyl saiyn jergilikti atqarýshy organ úidiń jaiyn tekserip otyrady. Sondai-aq, jas azamat ózi jaldamaly páterdi ala otyryp, basqa bireýge ony jalǵa beretin bolsa nemese tiisti deńgeide saqtamasa – onda páter memleketke qaitarylady. Páter jalpyǵa ortaq talapqa sai kelýi tiis. Jaldamaly páterdi berýdiń osyndai naqty talaptary bar», - dedi Madiiar Qojahmet Ortalyq kommýnikatsiialar qyzmetinde ótken baspasóz máslihatynda.
Sondai-aq, jiyn barysynda Nur-Sultan qalasy ákimdiginiń qoǵamdyq damý basqarmasynyń basshysy Talǵat Rahmanberdi elorda jastaryna jaldamaly páter qashannan bastap beriletinin jariialady.
«Nur-Sultan qalasynda 14-29 jas aralyǵynda 245 myńnan astam azamat bar. Osy baǵdarlamaǵa sáikes, jyl sońyna deiin 1050 páter berý qarastyrylǵan. Dál qazirgi ýaqytta osy páterlerdiń tiisti konkýrstyq qujattary daiyndalyp jatyr. Biz jospar boiynsha qarasha aiynan bastap baǵdarlamaǵa qujat qabyldaimyz. Ol úshin eshqaida baryp, eshqandai kezekke turýdyń qajeti joq. Qujattardy qabyldaý «Smart-Astana» alańynda tolyǵymen elektrondy túrde ótedi. Ol týraly biz ýaqyty jaqyndaǵanda taǵy da habardar etemiz», - dedi Talǵat Rahmanberdi Ortalyq kommýnikatsiialar qyzmetinde ótken baspasóz máslihatynda.
Atalmysh baǵdarlama boiynsha biyl Nur-Sultanda - 1050 páter, Almatyda - 1050 páter, Shymkentte - 904 páter beriledi. Ýákiletti organ satyp alý quqyǵynsyz jalǵa beriletin turǵyn úidi berý týraly sheshim qabyldaǵan soń 15 kúntizbelik kún ishinde turǵyn úidi jaldaý týraly shart jasalady.
Eske sala ketsek, byltyr Jastar jylynyń ashylýyna arnalǵan saltanatty jiynda Elbasy Nursultan Nazarbaev Astana, Almaty jáne Shymkent qalalarynda jastar úshin jylyna 1 myń páter salynatynyn málim etken bolatyn.
Al byltyr kúzde Úkimettiń keńeitilgen otyrysynda sol tustaǵy Indýstriia jáne infraqurylymdyq damý ministri Jeńis Qasymbek (qazir - Premer-ministrdiń orynbasary) Astana, Almaty, Shymkent jumysshy jastaryna 1 myń páter salý mamyrda bastalatynyn habarlaǵan edi.
