Foto:elements.envato.com
Eńbek jáne halyqty áleýmettik qorǵaý ministri Tamara Dúisenova jalǵa beriletin baspana ahýaly týraly aitty, - dep habarlaidy Tengrinews.kz.
Ortalyq kommýnikatsiialar qyzmetinde ótken brifingte jýrnalister ministrden Almatydaǵy jalǵa beriletin turǵyn úi naryǵyna qatysty qazirgi jaǵdaidy surady.
"Bizde jalǵa berý naryǵy tolyq rettelmegen, kóleńkeli tusy kóp. Bul másele boiynsha Básekelestikti qorǵaý jáne damytý agenttigine jeke nusqaý bar. BQDA jaqyn arada óz usynystaryn beredi dep oilaimyn", - dedi Dúisenova.
Ministr jalǵa beriletin turǵyn úi naryǵyn jalǵa berýshilerdiń de, osy páterlerdi jalǵa alýshylardyń da múddesi qorǵalatyndai etip retteý kerek ekenin aitty.
"Bul degenimiz, páterdi qanshaǵa jalǵa berý kerek ekeni aitylady. Retteý degenimiz - bolashaqta olardyń múddesin qorǵaý úshin qansha páter jalǵa beriletinin jáne bul tulǵalardyń salyq tóleýshi bolyp sanalatynyn kórsetetin tizilimniń paida bolýy. Pandemiia kezinde memleket esebinen qansha adam qoldaý tapqany esińizde, óitkeni olardyń biznesi toqtap qaldy. Men memlekettiń de, osy biznespen ainalysatyn adamdardyń da kózqarasy turǵysynan aityp otyrmyn", - dedi Dúisenova.
