فوتو:elements.envato.com
ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا جالعا بەرٸلەتٸن باسپانا احۋالى تۋرالى ايتتى, - دەپ حابارلايدى Tengrinews.kz.
ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر مينيستردەن الماتىداعى جالعا بەرٸلەتٸن تۇرعىن ٷي نارىعىنا قاتىستى قازٸرگٸ جاعدايدى سۇرادى.
"بٸزدە جالعا بەرۋ نارىعى تولىق رەتتەلمەگەن, كٶلەڭكەلٸ تۇسى كٶپ. بۇل مەسەلە بويىنشا بەسەكەلەستٸكتٸ قورعاۋ جەنە دامىتۋ اگەنتتٸگٸنە جەكە نۇسقاۋ بار. بقدا جاقىن ارادا ٶز ۇسىنىستارىن بەرەدٸ دەپ ويلايمىن", - دەدٸ دٷيسەنوۆا.
مينيستر جالعا بەرٸلەتٸن تۇرعىن ٷي نارىعىن جالعا بەرۋشٸلەردٸڭ دە, وسى پەتەرلەردٸ جالعا الۋشىلاردىڭ دا مٷددەسٸ قورعالاتىنداي ەتٸپ رەتتەۋ كەرەك ەكەنٸن ايتتى.
"بۇل دەگەنٸمٸز, پەتەردٸ قانشاعا جالعا بەرۋ كەرەك ەكەنٸ ايتىلادى. رەتتەۋ دەگەنٸمٸز - بولاشاقتا ولاردىڭ مٷددەسٸن قورعاۋ ٷشٸن قانشا پەتەر جالعا بەرٸلەتٸنٸن جەنە بۇل تۇلعالاردىڭ سالىق تٶلەۋشٸ بولىپ سانالاتىنىن كٶرسەتەتٸن تٸزٸلٸمنٸڭ پايدا بولۋى. پاندەمييا كەزٸندە مەملەكەت ەسەبٸنەن قانشا ادام قولداۋ تاپقانى ەسٸڭٸزدە, ٶيتكەنٸ ولاردىڭ بيزنەسٸ توقتاپ قالدى. مەن مەملەكەتتٸڭ دە, وسى بيزنەسپەن اينالىساتىن ادامداردىڭ دا كٶزقاراسى تۇرعىسىنان ايتىپ وتىرمىن", - دەدٸ دٷيسەنوۆا.
